【ＷＷＷ台語聖經】
.
 
 
.
申　命　記
.
第 11 ∼ 15 章

　　　●　回 【ＷＷＷ台語聖經】首 頁　 　●　回
EDUTECH 首 頁

速 選 :　◎　第十一章 　上帝 所作 ee 大事　　◎　第十二章　敬拜 ee 場所
　 　 　 ◎　第十三章　警　告　　　　　　◎　第十四章　受禁止 ee 行為
　　　 ◎　第十五章　各種 ee 規定 
第1~5章 第6~10章 第11~15章 第16~20章
第21~25章 第26~30章 第31~34章

申 　 命 　 記　　 第　11　章
 (.第十一 章　　上帝 所作 ee 大事

　　申 11: 1　"你 tioh 疼(thviax)上帝，時常守Y 所吩咐+ee，kab Y ee 律例、法度、誡命。
　　申 11: 2　"恁 今仔日 tioh zaiviar，我 本來 mxsi kab 恁 ee 子兒(kviafjii) 講 話；　因為 yn mxzay，也 無看見 上帝 ee 教督(kaotog)、威嚴、大權能 ee 手， kab 伸(zhwn)+出來 ee 手骨，
　　申 11: 3　"以及 Y ti Aikip-中 對 Aikip-王 Hoatlor kab yn-全地 所 行(kviaa) ee 神蹟 奇事；
　　申 11: 4　"也 無 看見 Y 怎樣 對待 Aikip ee 軍兵、yn ee 馬、yn ee 車；　yn 追逐(tuijiog) 恁 ee 時陣，上帝怎樣(zvayviu)ho 紅海 ee 水 淹沒(imbut)yn，將 yn 滅絕，直到 今仔日，　
　　申 11: 5　"以及 Y ti 曠野 蝻� 款待(khoafnthai) 恁，kaux 恁 來到(laikaux) cit'ee 所在；
　　申 11: 6　"也 無看見 Y 怎樣 對待 Liupien ee 子孫(kviafswn)Ylixab ee kviar Taixtafn、Apylaan；　地 蝻� ti Ysekliet-人 ee 中間 開嘴，吞 yn kab yn ee 家眷(kakoaxn)，以及 帳棚(tviuopvii) kab 跟隨(kuntoex) yn ee 一切 活物。　
　　申 11: 7　"只有 恁 親目睭 看見上帝所作 ee 一切 ee 大事。
　　申 11: 8　"所以， 恁 tioh 守 我 今仔日 所命令 ee 一切 誡命，ho 恁 壯膽(zorngtvar)， oe 入去 得著 恁 所 boeq 得+著 ee hit'ee 地，
　　申 11: 9　"也 ho 恁 ee 日子 久長 ti 上帝對 恁 列祖 立誓 boeq 應允 ho yn kab yn ee 後裔 ee 地； 就是 hit'ee teq 流出 奶 kab 蜜 ee 地。
　　申 11: 10　"你 boeq 入去 得來 做業 ee hit'ee 地，本來 就 無親像 你 出+來 ee Aikip-地。　你 ti hiaf 撒種(iaxzerng)，eng 腳 踏 來 灌沃(koarn'ag)， 親像 teq 灌沃 菜園。
　　申 11: 11　"恁 boeq 入去 得來 做業 ee hit'ee 地 是 有 山 有 山谷，承受(sengsiu) 天 ee 雨水 來 滋潤(zujun)ee 地，
　　申 11: 12　"是上帝 所眷顧+ee； tuy 年頭 kaux 年尾，上帝 ee 目睭 時常 看顧 hit'ee 地。
　　申 11: 13　"恁 na 注意 遵趁(zunthaxn) 我 今仔日 所命令 ee 誡命，疼 上帝，盡心 盡性 來 服事(hogsai) Y，
　　申 11: 14　"Y 的確 oe 照時(ciaosii)降落 秋雨 春雨 ti 恁 ee 地上，ho 恁 thafng 收成 五穀、新酒 kab 油，
　　申 11: 15　"也 的確 oe ho 你 吃-gaq 飽足，koq ho 田野(zhan'iar) 生出 草 來 養飼(viwchi) 你 ee 牲生(sengsvy)。
　　申 11: 16　"恁 tioh 謹慎，免得 心中 受著 迷惑，就 偏離 正路，去 服事 敬拜 別個 神明。
　　申 11: 17　"上帝 ee 受氣 na 對 恁 發作，就 ho 天 關密(kvoaibat)boe 落雨，地 也 就 boe 出產；　ho 恁 ti 上帝 所賜 ho 恁 ee 美(suie) ee 地，緊緊 滅亡。 　
　　申 11: 18　"恁 tioh 將 我 ciah'ee 話 存 ti 心內，留 ti 意中，縛(pak) ti 手頂 做成(zorcviaa) 記號，戴(tix) ti 額頂 做成 記號；
　　申 11: 19　"也 tioh 教訓 恁 ee 子兒(kviafjii)，無論 坐 ti 厝內，行 ti 路上，倒+teq，khia+teq， lorng tioh 講論(kafnglun)伊；
　　申 11: 20　"koq tioh 寫 ti 厝 ee 門框 kab 城門頂，
　　申 11: 21　"ho 恁 kab 恁 ee 子孫 ee 日子 ti 上帝 對 恁 ee 列祖 立誓、應允 boeq ho yn ee 地上，得著 加添 多多(zoexzoe)，nar 天 蓋(khaxm) 地 ee 日子 hiahniq'zoe。
　　申 11: 22　"恁 na 注意 執守 我 所命令 恁 ee ciah'ee 一切 ee 誡命，疼 上帝，行 Yee 道理，專心 靠 Y，
　　申 11: 23　"Y 的確 oe tuy 恁 ee 面前 趕出 ciah'ee 一切 ee 外族，就是 比 恁 khaq-大 khaq-強 ee 外族，恁 也 boeq 得著 yn ee 地。
　　申 11: 24　"凡是 恁 ee 雙腳 所踏 ee 地 lorng 的確 oe 歸 ho 恁； tuy 曠野 kab Lixpaluxn，tuy Peklah-河 直到 西旁(saipeeng)ee 海，lorng boeq 作 恁 ee 境界。
　　申 11: 25　"的確 無一人 oe ti 恁 ee 面前 khia-oextiaau； 　上帝 的確 oe 照 Y 所 講+ee，ho 恁 所踏 ee 地 ee 居民 驚恁。
　　　　　　　　　　　　　　　　　　　　　　　　　　　　　--=♂=回 頁 首 --- 　
　　申 11: 26　"看+aq ! 　我 今仔日 將 祝福 kab 咒詛(ciuozor) ee 話 lorng 排列(pailiet) ti 恁 ee 面前。
　　申 11: 27　"恁 na 趁(thaxn)上帝 ee 誡命，就是 今仔日 我 所命令 恁+ee，就 oe 得著祝福。
　　申 11: 28　"恁 na m-趁上帝 ee 誡命，偏離 今仔日 我 所命令 恁 ee 道理，去 服事 恁 素來 所 mxbad ee 別個 神明，就 的確 oe 受著 咒詛。
　　申 11: 29　"將來 上帝 zhoa 你 入去 boeq 得來 做業 ee hit'ee 地，你 就 tioh 將 祝福 ee 話 he ti Kilixsym-山頂，將 咒詛 ee 話 he ti Ypalo-山頂 。
　　申 11: 30　"Cit'兩座 山 kiarm mxsi ti Ioktaxn-河 hit'旁(peeng)，日落 ee 路 ee 後面， ti Alaqpaf ee Kalaam-人 所居住(khiaxkhe)ee 地 kab Kietkaq 相對(svatuix)，靠近Moli ee 橡樹-hiaf 麼﹖
　　申 11: 31　"恁 tioh 過Ioktaxn-河，入去 得著上帝 所賜 ho 恁 做業 ee 地，tiaxm ti hiaf 居住。
　　申 11: 32　"恁 tioh 執守 來 行 我 今仔日 ti 恁 ee 面前 所排列 ee 一切 ee 艅� kab 法度。 "
　　　　　　　　　　　　　　　　　　　　　　　　　　　　　--=♂=回 頁 首 --- 　

申 　 命 　 記　　 第　12　章
(.第十二 章　　敬拜 ee 場所　
　　申 12: 1　"恁 ti 世間存活 ee 日子， ti 恁 ee 列祖 ee 上帝，所賞賜 恁 做業 ee 地上，tioh 執守 來 行 ee 律例 kab 法度 就是 ciah'ee：
　　申 12: 2　"恁 所 boeq ka yn 趕出去 來 承接 ee 列國，ti yn 所服事 ee 神明 ee 所在，無論 是 ti 高山， ti 小山， ti 所有 青翠 ee 樹腳，lorng tioh ka yn 毀壞(huyhoai)；　
　　申 12: 3　"也 tioh 拆毀(thiahhuie) yn ee 祭壇，打碎(phahzhuix) yn 彫刻 ee 柱，eng 火 焚燒 yn ee Asiarliim 偶像，剉(zhox)yn 雕刻 ee 神像，也 tioh 將 yn ee 名 tuy hit'所在 除滅。
　　申 12: 5　"恁 mxthafng 照 yn hit'款 來 服事 上帝 。
　　申 12: 5　"上帝 tuy 恁 各支派中 所 boeq 揀出(kefngzhud) ee 所在，thafng ti hiaf 安置 Y ee 名，就是 Y 居住(khiaxkie) ee 聖殿，恁 tioh 去 hiaf 尋(zhoe) Y；
　　申 12: 6　"將 恁 ee 燒祭、平安祭、十份取一份 ee 物， kab 手中 ee 舉祭，以及 謝願 ee 祭、甘心 獻 ee 祭，以及 牛群羊群中 頭胎(thauthef)生+ee， lorng tioh 帶到(toarkaux) hiaf。　
　　申 12: 7　"Ti hiaf，上帝 ee 面前， 恁 kab 恁 ee 家屬為著 恁 ee 手 所做 一切 ee 事，得著 上帝 賜福+ee，就 lorng tioh 飲吃( limciah) 來 歡喜 慶祝。　
　　申 12: 8　"咱 今仔日 ti ciaf 所行+ee 是 各人 行 伊 家己 目睭中 看做 對(tioh) ee 事，恁 將來 mxthafng afnny 行；
　　申 12: 9　"因為 恁 現今 尚未(iawboe)有 去 kaux 上帝 所賜 你 ee 安歇(anhioq)ee �狾b kab 產業。
　　申 12: 10　"總是 恁 過 Ioktaxn-河，就 thafng boeq 居住 ti 上帝 賞賜 恁 承接 做業 ee 地， koq ho 恁 脫離 四圍 ee 一切 對敵，得著 安歇，來 安穩 居住。
　　申 12: 11　"Hit'時就 boeq 有 所在，是 上帝 親自(chinzu) 揀(kerng) laai 安置 Y ee 名+ee，凡是 我 所吩咐 恁 ee 燒祭、平安祭、十份取一份 ee 物，kab 手中 ee 舉祭，以及 恁 對 上帝 下願(hexgoan) boeq 獻 ee 一切 極好 ee 物， lorng tioh 帶到 hiaf。
　　申 12: 12　"恁 kab 恁 ee kviar、zabor-kviar、僕婢，以及 住(toax) ti 恁 城內 無份-無業 ee Lixbi-人，lorng tioh ti 上帝 ee 面前 歡喜 慶祝。
　　申 12: 13　"你 tioh 家己 謹慎，mxthafng ti 你 所看 合意(kah'ix) ee 所在 獻 燒祭 。
　　申 12: 14　"獨獨 ti 你 ciah'ee 支派中 有 一個 所在，是 上帝 所 boeq 揀來 ho你 照 我 所吩咐 來 獻 燒祭+ee。
　　申 12: 15　"總是，ti 你 ee 各城+裡 lorng thafng 照 上帝 所賜 ho 你 ee 福分，照 你 ee 心 所愛，宰(thaai) 牲生 laai 吃肉；　無論 是 清氣 ee 人、無清氣 ee 人 lorng thafng 吃 ，親像 吃 羚羊(leng'ioong) kab 鹿 一般(cidpvoaf)。
　　申 12: 16　"只是(cysi) mxthafng 吃 伊 ee 血，tioh 倒 ti 地+裡，親像 teq 倒水 afnny。　
　　申 12: 17　"你 ee 五穀、新酒，kab 油 ee 十分之一，或是 牛群 羊群中 頭胎生+ee，或是 你 下願 boeq 獻+ee，甘心 獻+ee，或是 手中 ee 舉祭，lorng mxthafng ti 你 ee 門內 吃 伊。
　　申 12: 18　"獨獨 tioh ti 上帝 ee 面前 吃 伊，就是 ti 上帝 所 boeq 揀 ee 所在，你 kab 你 ee kviar、zabor-kviar、僕婢，以及 住 ti 你ee 門內 ee Lixbi-人， lorng tioh 吃 伊；　凡是 你 ee 手 所做+ee，ti 上帝 ee 面前，thafng當做(tngzox) 歡喜。
　　申 12: 19　"你 tioh 家己 謹慎， ti 你 所住 ee 所在 一世人 mxthafng parngsag Lixbi-人。
　　　　　　　　　　　　　　　　　　　　　　　　　　　--=♂=回 頁 首 ---
　　申 12: 20　"上帝 照 Y 所應允+ee，擴張 你 ee 境界 ee 時陣，你 心內 想 boeq 吃 肉，就 thafng 照 你 ee 心 所愛+ee laai 吃 肉。 　
　　申 12: 21　" 上帝 揀 laai 安置 Y ee 名 ee 主 ee 聖殿，na 離開 你 真遠，就 thafng 照 我 所命令 你+ee，將 上帝 賞賜 你 ee 牛羊 取來 宰， thafng 照 你 ee 心 所愛+ee ti 你 ee 門內 laai吃。
　　申 12: 22　"你 吃 hit'ee 肉，tioh 親像 吃 羚羊 kab 鹿 一般； 無論 是 清氣 ee 人、無清氣 ee 人 lorng thafng 吃 伊，
　　申 12: 23　"獨獨 你 tioh 決意，mxthafng 吃 血，因為 血 是 活命(oaqmia)；你 mxthafng 將 肉 kab 活命 ee 血 做夥 吃 。
　　申 12: 24　"Mxthafng 吃 血，tioh 倒 ti 地上，親像倒水 一樣。
　　申 12: 25　"Mxthafng 吃 血。 　Afnny，你 因為 行 上帝 所看做 對(tioh) ee 事，你 kab 你 ee 子孫 就 thafng 得著 福氣。
　　申 12: 26　"獨獨 你 所有 ee 聖 ee 獻禮，kab 你 所下願+ee，tioh 帶到上帝 未來 ee 聖殿。
　　申 12: 27　"你 ee 燒祭，連 肉 帶 血， lorng tioh 獻 ti 上帝 ee 壇頂。　平安祭 ee 血 tioh 倒 ti 上帝 ee 壇頂；　平安祭 ee 肉，你 家己 thafng 吃。
　　申 12: 28　"你 tioh 執守，聽趁 我 所吩咐 ee 一切 ee 話，行 上帝 所看做 好、看做 對 ee 事，afnny，你 kab 你 ee 子孫 就 thafng 永遠 得著 福氣。
　　申 12: 29　"上帝 boeq tuy 你 ee 面前 剪除 你 boeq 去 承接 ee 國，你 boeq 去 得著 yn ee 地 laai 居住。
　　申 12: 30　"Hit'時 你 家己 tioh 謹慎，mxthafng ti yn 受 除滅 以後，隨(toex)yn ee 惡俗，陷落 yn ee 羅網(lobang)，也 mxthafng 去 探聽(tharmthviaf)yn eet神明 講：' Ciah'ee 百姓 是 afnnar teq 服事 yn ee 神明， 我 也 boeq afnny 行。'
　　申 12: 31　"你 mxthafng 對 上帝 afnny 行，因為 yn 對 yn ee 神明 teq 行 一切上帝 所痛恨、所厭惡(iarm'vox) ee 事，甚至 將 家己 ee 兒女 eng火 燒 laai 獻 ho yn ee神明。
　　申 12: 32　"凡是 我 所命令+ee，恁 lorng tioh 執守 laai 行，mxthafng 加添，也 mxthafng 減少。"
　　　　　　　　　　　　　　　　　　　　　　　　　　　　　--=♂=回 頁 首 --- 　
申 　 命 　 記　　 第　13　章
 (.第十三 章　　警　告
　　申 13: 1　"恁-中間 na 有 先知 或是(iafsi) 作夢+ee 起+來，向 你 顯出(hiefnzhud) 神蹟-奇事，
　　申 13: 2　"對你 講： '咱 來去(laikhix) 隨(toex) 你 素來 mxbad ee 別個 神明，服事 伊。'　伊 所顯出 ee 神蹟-奇事設使(sietsuo)有 應驗，
　　申 13: 3　"你 也 mxthafng 聽 hit'ee 先知 或是 hit'ee 作夢 ee 人 ee 話； 因為 zef 是上帝 teq 試驗 恁， aeboeq zaiviar 恁 是 盡心 盡性 teq 疼 上帝 或(iar)mxsi。
　　申 13: 4　"恁 tioh 順趁(suxnthaxn)上帝，敬畏 Y，執守 Y ee誡命，遵趁(zunthaxn)Y ee 話，服事 Y，專靠 Y。
　　申 13: 5　"Hit'ee 先知 或是 hit'ee 作夢+ee，已經 eng 言語 去 悖逆(poexgek)著上帝，就是 hit'位 zhoa 恁 出Aikip-地、救贖 你 脫離 做奴才 ee 家+ee，koq 引誘 你 離開 上帝 所吩咐 你 行 ee 道，你 就 tioh ka 伊 處死。 　Afnny，就 tuy恁-中間 除去 hit'ee phvae。
　　　　　　　　　　　　　　　　　　　　　　　　　　　　　--=♂=回 頁 首 ---
　　申 13: 6　"你 ee 同胞兄弟，或是 你 ee kviar，zabor-kviar，或是 你 懷中 ee bor，或是 親像 你-性命 ee 朋友，na 暗中 引誘 你，講： '咱 來去 服事 你 kab 你 ee 列祖 素來 所 mxbad ee 神明，
　　申 13: 7　"'是 你 四圍 列國 ee 神明。'　無論 是 離開 你 近，離開 你遠， tuy 地 ee cit'旁 kaux 地 ee hit'旁 ee 神明，
　　申 13: 8　"你 mxthafng 順趁 伊，也 mxthafng 聽 伊， 目睭 mxthafng 惜(sioq) 伊。　你 mxthafng 可憐(khoflieen) 伊，也 mxthafng ho 伊 閃匿(siafmbiq)，
　　申 13: 9　"你 的確 tioh ho 伊 死；　你 先 下手(hexchiuo)，然後 眾人(zernglaang) 也 下手，ka 伊 處死。
　　申 13: 10　"你 tioh eng 石頭 ka 伊 打死，因為 伊 想 boeq 引誘 你 離開 hit'位 zhoa 你 出 做奴才 ee Aikip-地 ee 上帝 。
　　申 13: 11　"Ysekliet-眾人lorng boeq 聽見 laai 驚(kviaf)，就 不敢(mxkvar) ti 恁-中間 復再(kohzaix) 行 cit'款 ee phvae laq。
　　　　　　　　　　　　　　　　　　　　　　　　　　　　　--=♂=回 頁 首 --- 　
　　申 13: 12　"Ti 上帝 boeq ho 你 居住 ee 各城中，你 na 聽見 講，
　　申 13: 13　"有 匪類(huylui) tuy 恁-中間 ee 一座城 出來 引誘 本城 ee 居民， 講：　'咱 來去 服事 恁 素來 所 mxbad ee 別個(padee) 神明。'
　　申 13: 14　"你 就 tioh 探聽，查考，詳細 查問；　na 果然是 真，確實 有 cit'項 可惡 ee 事 行 ti 恁 ee 中間，
　　申 13: 15　"你 的確 tioh eng 刀 殺死(thaisie) hit'ee 城+裡 ee 百姓，ka 城內 所有+ee，連 牲生(zengsvy)， lorng eng 刀 滅 yn。
　　申 13: 16　"你 tuy hit'座 陘� 所奪 ee 財物 lorng tioh 堆積 ti 街市+裡，eng 火 ka 城 kab tuy 內面 所奪 ee 財物 lorng ti 上帝 ee 面前 燒盡；　hit'座 城 就 tioh 永遠 做 土堆 mxthafng 復再 堻y。
　　申 13: 17　"Hit'ee 應當 毀滅 ee 物，連 一點仔 都(tof) mxthafng tiaau ti 你 ee 手。　 Ho 上帝 ee 受氣 煞(soaq)+去，賜 你 恩典，ka 你 憐憫，ho 你 加添 人額，照 Y 對 你 ee 列祖 所立誓+ee 來 行。　　　
　　申 13: 18　"你 tioh 聽 上帝 ee 話，執守 我 今仔日 所命令 你 ee 一切 誡命，行上帝 看做 對 ee 事。"　
　　　　　　　　　　　　　　　　　　　　　　　　　--=♂=回 頁 首 ---

申 　 命 　 記　　 第　14　章
(.第十四 章　　受禁止 ee 行為
　　申 14: 1　"恁 是 上帝 ee kviar。 　Mxthafng 為著 死人， eng 刀 傷害 家己 ee 身軀(sengkhw)，也 mxthafng 將 頭額(thauhiah) c光(thiekngf)。
　　申 14: 2　"因為 你 歸 上帝，成做 聖 ee 百姓，上帝 tuy 地上 ee 萬民中 特別 揀選 你 來 作 家己 ee 百姓。
　　申 14: 3　"凡是 可惡(khofvox) ee 物 lorng mxthafng 吃 。
　　申 14: 4　"你 thafng 吃 ee 牲生(zengsvy) 就是 牛、綿羊、山羊、
　　申 14: 5　"鹿、羚羊、小鹿仔、野山羊、麋鹿(bilok)、赤羊、獐(kviw)。
　　申 14: 6　"凡是 分蹄(puntoee) 成做 兩爪(nngxjiao) koq 反芻(hoanzhao) ee 走獸，恁 lorng thafng 吃 。
　　申 14: 7　"總是 hiah'ee 反芻 或是 分蹄+ee ee 中間 mxthafng 吃+ee 就是 駱駝、兔仔、沙番，因為 是 反芻 無分蹄，對 ti 恁 是 無清氣；
　　申 14: 8　"豬，因為 是 分蹄 卻 無反芻，對 ti 恁 是 無清氣。 　Ciah'ee 獸 ee 肉， 恁 mxthafng 吃， 死+ee 也 mxthafng 摸。
　　　　　　　　　　　　　　　　　　　　　　　　　　　　　--=♂=回 頁 首 --- 　
　　申 14: 9　"水中 thafng 吃+ee 就是 ciah'ee：　凡是 有翅-有鱗(uxchix-uxlaan)+ee lorng thafng 吃；
　　申 14: 10　"凡是 無翅-無鱗+ee lorng mxthafng 吃 ，對 ti 恁 是 無清氣。
　　申14: 11　"凡是 清氣 ee 鳥，恁 lorng thafng 吃 。
　　申 14: 12　"Mxthafng 吃 ee 就是 鷹、狗頭鵰、紅頭鵰、
　　申 14: 13　"鸇(ciefn)、小鷹、鷂鷹 kab yn ee 類，　
　　申 14: 14　"烏鴉(o'af) kab y ee 類，
　　申 14: 15　"鴕鳥(tociao)、夜鷹、魚鷹、雀鷹(chiok'efng)kab yn ee 類，
　　申 14: 16　"暗公鳥、貓頭鷹、鴟(chy) (鴣黃(ko'ngg)）、
　　申 14: 17　"鵜鶘(the'oo)、禿鵰、鸕鶿(locii)、
　　申 14: 18　"鸛(koaxn)、白鷺鷥( peqlexngsy) kab yn ee 類，戴架鳥(tiekex-ciao) kab 蝙蝠( piefnhog)。
　　申 14: 19　"凡是 有 翅 oe soo ee 物，對 ti 恁 是 無清氣， lorng mxthafng 吃。
　　申 14: 20　"凡是 清氣 ee 鳥，恁 lorng thafng 吃。
　　申 14: 21　"凡是 家己 死+ee， 恁 lorng mxthafng 吃；　thafng ho 你 門內 ee 出外人 吃，或是 賣 ho 外人 吃，因為 你 是 歸 ti 上帝 做 聖 ee 百姓。　Mxthafng eng 山羊母 ee 奶 煮 山羊仔。
　　　　　　　　　　　　　　　　　　　　　　　　　　　　　--=♂=回 頁 首 ---
　　申 14: 22　"你 tioh 將 你 撒種(iaxzerng) 所出產+ee，就是 你ee 田地 每年 所出+ee，十份取一份；
　　申 14: 23　"koq theh 你 ee 五穀、新酒、 kab 油 ee 十分之一，以及 牛群-羊群中 頭胎生+ee， 吃 ti 上帝 面前，就是 Y 所 boeq 揀出(kefngzhud) 來 安置 Y ee 名 ee 聖殿。　Afnny，你 thafng學習 時常 敬畏 上帝 。
　　申 14: 24　"當 上帝 賜福 ho 你 ee 時陣，上帝 未來 ee 聖殿，na 離開 你 太遠， hit'條 路 也 太長，ho 你 boextaxng 將 ciah'ee 物 帶去 kauxhiaf，
　　申 14: 25　"你 就 thafng ka hef 換做 錢銀，將 錢銀 包+起來，theh ti 手內，前往上帝 所 boeq 揀出 ee 所在。
　　申 14: 26　"你 eng cit'ee 錢銀，照心 所愛，買 牛羊，或是 買 清酒 或是(iafsi) p酒，凡是 你 ee 心 所意愛+ee lorng thafng 買；　你 kab 你 ee 家屬 ti 上帝 ee 面前 吃飲 來 快樂。
　　申 14: 27　"住 ti 你 ee 門內 ee Lixbi-人，你 mxthafng ka 伊 parngsag，因為 伊 ti 恁-中間 無份無業。
　　申 14: 28　"每次(muypae) 滿 三年，你 tioh 將 hit'年 ee 土產 十份 抽 一份 lorng 取+出來，積存 ti 你 ee 門內。
　　申 14: 29　"Ti 你 ee 門內無份無業 ee Lixbi-人， kab ti 你 ee 門內 ee 出外人，以及 孤兒-寡婦， lorng thafng 來， 吃-gaq 飽足。　Afnny，上帝 的確 oe ti 你 ee 手+裡 所辦 ee 一切 事頂 ka 你 賜福。"

　　　　　　　　　　　　　　　　　　　　　　　　　　　　　--=♂=回 頁 首 --- 　

申 　 命 　 記　　 第　15　章
(.第十五 章　　各種 ee 規定
　　申 15: 1　"每次(muypae) kaux 七年 ee 路尾，你 tioh 做 解放(thawpaxng) ee 行事。
　　申 15: 2　"解放ee 定例 是 afnny：　凡是 債主(zeazuo) tioh ka 厝邊 所借+ee 免除； 　mxthafng 向 厝邊 kab 兄弟 追討，因為 上帝 ee 解放年 已經 宣告 laq。
　　申 15: 3　"Na 是 借 ho 外邦人，你 thafng 向 伊 追討； 獨獨 借 ho 你 ee 兄弟+ee，無論 是 甚麼，你 tioh ka 伊 免除。
　　申 15: 4　"你 na 注意 遵趁(zunthaxn) 上帝 ee 話，執守 來 行 我 今仔日 所命令 你 ciah'ee 一切 ee 誡命，就 的確 ti 恁-中間 boe 有 貧窮人(sarnhiofng-laang)；　
　　申 15: 5 　"( ti 上帝 所賜 ho 你 做業 ee 地，上帝 的確 oe 大大 賜福 ho 你。)
　　申 15: 6　"因為 上帝 boeq 照 Y 所應允 你+ee 來 賜福 ho 你，所以 你 的確 oe 借 ho zoexzoe ee 國，卻 mxbiern ka yn 借；　你 的確 oe 管轄 zoexzoe ee 國，而 yn 卻 boe 來 管轄 你。
　　　　　　　　　　　　　　　　　　　　　　　　　　　　　--=♂=回 頁 首 --- 　
　　申 15: 7　"Ti 上帝 所賜 ho 你 ee 地，有 一座 城門內 na ti 你 ee 兄弟中有 一個 貧窮人，你 tioh mxthafng 硬著 心、kiw 你 ee 手 boboeq ka 你 ee 貧窮(sarnhiofng) ee 兄弟 taux-svakang。
　　申 15: 8　"的確 tioh 對 伊 放鬆(parngsafng) 你 ee 手，照 伊 所欠用(khiarm'eng)+ee 借 ho 伊，來 補 伊 ee 無夠(bokaux)。
　　申 15: 9　"你 tioh 家己 謹慎， mxthafng 心內 起 歹念頭(phvae-liaxmthaau)， 講： '第七年 解放 ee 年 kaux laq。'　你 就 惡眼 對向(tuiehioxng,) 貧窮 ee 兄弟，甚麼 lorng m ho+伊，致到(tiekaux) 伊 因為 你 ee 緣故 去 求告 上帝，你 就 有罪。
　　申 15: 10　"你 的確 tioh ho+伊；　而 ho+伊 ee 時陣，心內 mxthafng 煩惱；　因為 上帝 的確 oe ti 你 一切 所行+ee，以及 你 ee 手內 所辦 ee 事 ee 頂面，賜福 ho 你。
　　申 15: 11　"原來 hit'所在 ee 貧窮人 永久 boe 斷絕；　 所以 我 命令你 講：　'的確 tioh 對 你 ee 境內，困苦 貧窮 ee 兄弟 放鬆你 ee 手。'
　　申 15: 12　"Na 有 Hipeklaai ee zapof-人 或是 Hipeklaai ee zabor-人 賣來 ho 你，服事 你 六年，kaux 第七年 就 tioh 解放 伊 自由。
　　申 15: 13　"你 解放 伊 自由 ee 時陣，mxthafng ho 伊 空手 去。
　　申 15: 14　"Tioh tuy 你 ee 羊群、五穀場、酒窟 ee 中間 提出 zoexzoe ee 物 ho+伊；　照 上帝 賜福 ho 你+ee，你 也 tioh 照樣 ho+伊。
　　申 15: 15　"Tioh 記得(kietid) 你 ti Aikip-地 作過 奴僕，上帝 ka 你 救贖；　因為 afnny，我 今仔日 命令 你 cit'ee 事。
　　申 15: 16　"伊 na 對 你 講： '我 無願意 離開 你，'　是 因為 伊 疼 你 kab 你 ee 家，koq 感覺 ti 你-hiaf 很好(cviahor)，
　　申 15: 17　"你 就 tioh theh 鑽仔(zngrar)ti 門頂 鑿過(zhagkoex) 伊 ee 耳仔(hvixar)， 伊 就 永久 成做 你 ee 奴僕。　你 對待 女婢 也 tioh afnny。　
　　申 15: 18　"你 放 伊 自由 ee 時陣，mxthafng liaq'做 g虧(khekkhuy)，因為 伊 服事 你 六年，比 倩工( chviarkafng)+ee 重倍值(tengpoe-tat)。　上帝 就 的確 oe ti 你 所做 ee ciah'ee 事 ee 頂面 ka 你 賜福。
　　　　　　　　　　　　　　　　　　　　　　　　　　　　　--=♂=回 頁 首 --- 　
　　申 15: 19　"你 ee 牛群羊群中 頭胎生+ee，凡是 公+ee，lorng tioh 分別 做 聖，歸 ho 上帝。　　牛群中 頭胎生+ee，mxthafng eng 伊 來 耕田(kengzhaan)；　羊群中 頭胎生+ee，mxthafng tuy 伊來剪毛(ciefn'mngg)。
　　申 15: 20　"Ciah'ee 頭胎生+ee，你 kab 你 ee 家屬，每年 tioh ti 上帝 所揀選 ee 所在， ti Y ee 面前 來 吃 。
　　申15: 21　"Ciah'ee 頭胎生+ee，na 有 什麼 殘疾(zancit)，親像 phoarsviux+ee、chvimii+ee，無論 有 什麼 phvae ee 疾病， lorng mxthafng 獻 ho 上帝；
　　申15: 22　"你 thafng ti 你 ee 門內 吃；　有清氣 kab 無清氣 ee 人 lorng thafng 吃，親像 吃 羚羊 kab 鹿 一般。
　　申 15: 23　"獨獨 mxthafng 吃 伊 ee 血；　tioh 倒 ti 地+裡，親像 teq 倒水 一樣。"
　　　　　　　　　　　　　　　　　　　　　　　　　　　　　--=♂=回 頁 首 --- 　
　●　往　 申 命 記　第 16 ~ 20 章　 
　　　　台語現代文 網路聖經：　林繼雄•林華英 編譯　1999/2/25　上 網