【ＷＷＷ台語聖經】

.
申　命　記
.
第 6 ～ 10 章

速選 :　◎　第六章 　獨一 ee 主　　　　　　◎　第七章　擊滅七族　　
　　　　◎　第八章　上帝所賜 ee 美地　　　◎　第九章　堅固 H心　
　　　◎　第十章　再授誡命　

第1~5章	第6~10 章	第11~15章	第16~20章
第21~25章	第26~30章	第31~34章

申　命　記　　第　6　章

(.第六章　　獨一 ee 主

　　申 6: 1　"Zef 是恁 ee 上帝所命令 tioh 教示恁 ee 誡命、律例 kab 法度，ho 恁 ti 所 boeq 過去得來做業 ee 所在來行⁺ee，
　　申 6: 2　"thafng ho 你 kab 你 ee 子子孫孫(kviafkviar-sunswn) 一生敬畏(kerng'uix) 上帝，執守 Y ee 律例 kab 誡命，就是我所命令你⁺ee，ho 你ee 日子可得(thangtid)久長。
　　申 6: 3　"Ysekliet⁺aq !　你 tioh 聽， tioh 執守來行，ho 你 thafng ti hit'ee 流出奶 kab 蜜 ee 地可得享受福氣，人數加添(kethvy) 極其 zoe，照著你列祖 ee 上帝所應允你⁺ee。　
　　申 6: 4　"Ysekliet⁺aq !　你 tioh 聽！　咱 ee 上帝是獨一 ee 主。
　　申 6: 5　"你 tioh 盡心、盡性、盡力疼(thviax) 你 ee 上帝。
　　申 6: 6　"我今仔日所命令你 ee 話 lorng tioh 記 ti 心⁺裡，
　　申 6: 7　"也 tioh 殷勤教示你 ee 子兒(kviafjii)。　無論你坐 ti 厝內，行 ti 路⁺裡，睏 iafsi 起⁺來， lorng tioh 談。
　　申 6: 8　"也 tioh 縛(pak) ti 手頂做記號，戴 ti 額頂做經文；
　　申 6: 9　"koq tioh 寫 ti 你 ee 厝 ee 門框，以及你 ee 門。
　　　　　　　　　　　　　　　　　　　　　　　　　　　--=♂=回頁首 ---
　　申 6: 10　"你 ee 上帝 zhoa 你進入 Y 向你 ee 列祖 Apeklaqharn、Ysad、Gvafkog立誓(libsex)講 boeq 應允 ho 你 ee 地。　Hiaf 有城，大 koq 美(suie)，mxsi 你所建造⁺ee；
　　申 6: 11　"有厝，裝滿各樣好物，mxsi 你所裝滿⁺ee；　有開便便(khuy-piexnpien) ee 水井，mxsi 你所開⁺ee；　iao 有葡萄園、橄欖園，mxsi 你所栽種⁺ee；oexthafng ho 你吃-gah 飽。
　　申 6: 12　"Hit'時你 tioh 謹慎，免得 boe-記得將你 tuy Aikip-地、做奴才 ee 家、zhoa⁺出來 ee 上帝。
　　申 6: 13　"你 tioh 敬畏你ee 上帝，服事(hogsai)Y，指 Y ee 名來立誓。
　　申 6: 14　"Mxthafng 趁(thaxn) 別個(padee) 神明，就是恁四圍 ee 百姓 ee hiah'ee 神明；
　　申 6: 15　"因為 ti 恁中間 ee 上帝斷斷 boe 容允 eng 別個神明來匹配 Y；　是驚了你 ee 上帝 oe 對你大受氣，就 ka 你 tuy 地上除滅。
　　　　　　　　　　　　　　　　　　　　　　　　--=♂=回頁首 ---
　　申 6: 16　"恁 mxthafng 試探恁 ee 上帝，親像恁 ti Mafsad試探 Y hit'款。
　　申 6: 17　"Tioh 致意(tie'ix) 遵守上帝所命令 ee 誡命、法度 kab 律例。
　　申 6: 18　"上帝 ee 目睭中看做正、看做善⁺ee，你 lorng tioh 遵趁，來 ho 你 thafng 享福，也 thafng 入去得著上帝對你 ee 列祖立誓應允 ee hit'ee 美 ee 地，
　　申 6: 19　"照上帝所講⁺ee， tuy 你面前趕出(kvoafzhud) 你 ee 一切對敵。
　　申 6: 20　"日後，你 ee kviar na 問你講：　'咱 ee 上帝命令恁 tioh 執守 ciah'ee 證據、法度 kab 律例，是什麼意思 leq﹖'
　　申 6: 21　"你就 ka 你 ee kviar 講：　'咱 ti Aikip作過Hoatlor ee 奴僕；　上帝 eng 大權能 ee 手將咱 tuy Aikip zhoa⁺出來，
　　申 6: 22　"'ti 咱目睭前，將重大可驚(thangkviaf)ee 神蹟(sinjiaq) 奇事施行 ti Aikip-地，ti Hoatlor kab 伊全家 ee 身上，
　　申 6: 23　"'將 � tuy hiaf zhoa⁺出來， boeq zhoa 咱進入 Y 向咱 ee 列祖立誓應允 ee 地，將 cit'ee 地賜 ho 咱。
　　申 6: 24　"'上帝 koq 命令咱 tioh 遵趁 ciah'ee 一切律例，tioh 敬畏咱 ee 上帝，ho 咱時常 thafng 得著福氣， thafng ho Y 保全 � ee 生命，親像今仔日ee 款式。
　　申 6: 25　"'咱執守上帝所吩咐 ee 一切誡命來行；　zef 就是咱 ee 義 laq。'"
　　　　　　　　　　　　　　　　　　　　　　　　　　　--=♂=回頁首 ---
申　命　記　　第　7　章

(.第七章　　擊滅七族

　　申 7: 1　"上帝 zhoa 你進入 boeq 得來做業 ee 地，tuy 你面前趕出(kvoafzhud)zoexzoe 邦國，就是 Heg-人、Kekkasad-人、Amoli-人、Kalaam-人、Pylixsea-人、Hibi-人、Iaporsw-人，共七國， lorng 比你 khaq-大、khaq-猛。
　　申 7: 2　"上帝將 yn 交 ho 你，ho 你打贏(phah'viaa)yn，hit'時你 tioh ka yn 一盡滅絕，mxthafng kab yn 立約，也 mxthafng 憐憫(linbirn) yn。　
　　申 7: 3　"Mxthafng kab yn 結親；你 ee zabor-kviar mxthafng 嫁 ho yn ee kviar，也 mxthafng ho 你 ee kviar 娶 yn ee zabor-kviar；
　　申 7: 4　"因為伊 oe ho 你 ee kviar oadthaau boboeq 跟隨(kuntoex) 主，去服事 yn ee 神明，致使(tiesuo)上帝大受氣，就緊緊 ka 恁滅絕。
　　申 7: 5　"恁 o tioh afnny 對待 yn：　拆毀(thiahhuie) yn ee 祭壇，打碎 yn ee 雕刻神像 ee 柱，砍倒(khafmtor) yn ee Asiarliim，eng 火燒 yn 雕刻 ee 偶像。
　　申 7: 6　"因為你歸你 ee 上帝來成做聖潔(serngkied)ee 百姓；你 ee 上帝 tuy 地上 ee 萬民中揀選(kefngsoarn) 你，特別 ho 你作 Y 家己 ee 百姓。　
　　申 7: 7　"上帝疼(thviax) 恁，揀選恁，mxsi 因為恁 ee 人額(langgiah) 比別國 khaq-zoe，原來恁 ee 人額是萬國中最少⁺ee 。
　　申 7: 8　"只是因為上帝疼恁， koq 因為 boeq 行(kviaa)Y 向恁 ee 列祖所立 ee 誓言(seagieen)，就 eng 大權能 ee手將恁 tuy 做奴才 ee 家 zhoa⁺出來，救贖恁脫離Aikip-王Hoatlor ee 手。
　　申 7: 9　"所以，你 tioh zay Iahohoaf是上帝，是真實 ee 上帝；對著疼 Y、守 Y ee 誡命 ee 人， Y boeq 守約 koq 賞賜慈愛，直到(tidkaux)千代。
　　申 7: 10　"凡是隢� Y ee 人，Y boeq 當面報應來滅絕 yn；　怨恨 Y ee 人的確 oe 得著報應，boboeq 延遲。
　　申 7: 11　"所以，你 tioh 謹慎遵趁(zunthaxn) 來行，我今仔日所命令你 tioh 守 ee 誡命、律例 kab 法度。
　　　　　　　　　　　　　　　　　　　　　　　　　　　--=♂=回頁首 ----
　　申 7: 12　"恁 na 來遵趁 ciah'ee 法度，執守來行伊，你 ee 上帝就的確 oe 照 Y 向你 ee 列祖所立 ee 誓約來賞賜恁慈愛。
　　申 7: 13　"Y 的確 oe 疼你，賜福 ho 你，ho 你興旺，也的確 oe ti Y 對你 ee 列祖立誓應允 boeq ho 你 ee 地，賜福 ho 你所生⁺ee，你 ee 地所產出⁺ee，以及 ho 你 ee 五穀、新酒，油，以及牛仔、kab 羊仔子(viu'afkviar)。　
　　申 7: 14　"你的確 oe 得著賜福贏過萬百姓；恁中間 ee 男女無一個 boe 生養(seng'iorng)，牲生(zengsvy)也無一隻 boe 生湠(svithvoax)。　
　　申 7: 15　"上帝的確 oe ho 一切 ee 病症離開你；　你所 zaiviar ti Aikip 各樣 ee 惡疾， Y boe ho 你 twtioh 一項；　只有 boeq ho 一切隢� 你 ee 人 tuo⁺tioh。
　　申 7: 16　"你 ee 上帝所 boeq 交 ho 你 ee 百姓，你 tioh ka yn 除滅；　你 ee 目睭 mxthafng 可憐(khoflieen) yn。　你也 mxthafng 服事(hogsai) yn ee 神明，　因為 zef 的確 oe 成做你 ee 羅網(lobang)。
　　　　　　　　　　　　　　　　　　　　　　　　　　　--=♂=回頁首 ---
　　申 7: 17　"你 na 心內想講(sviuxkorng)，ciah'ee 國 ee 百姓比我 khaq-zoe，我 nar oextaxng 趕(kvoar) yn 出⁺去 leq﹖
　　申 7: 18　"你 mxbiern 驚 yn，的確 tioh 記得(kietid)上帝對 Hoatlor kab Aikip-全地所行 ee 事，
　　申 7: 19　"就是你親目睭所看⁺見 ee 大試鍊、神蹟、奇事， kab 大權能 ee 手，以及伸⁺出來 ee 手骨， lorng 是上帝 zhoa 你出⁺來 ee 時所 eng⁺ee。　上帝的確 oe 照樣(ciaoviu) 對待你所驚 ee 一切百姓。
　　申 7: 20　"Koq 上帝的確 oe 派遣(phaekhiern) 大蜂(toaxphafng) 飛到(poekaux) yn ee 中間，直到 yn 所剩來閃匿(siafmbiq)ee 人 ti 你 ee 面前滅亡。
　　申 7: 21　"你 mxbiern 因為 yn 來驚惶(kviahviaa)，因為上帝 ti lirn-中間是大 koq 可驚(thangkviaf) ee 上帝。　
　　申 7: 22　"上帝的確 oe 將 ciah'ee 國 ee 百姓 tuy 你面前漸漸趕出；你 mxthafng ka yn 緊緊滅盡，恐驚(khiofngkviaf) 野獸 oe 加添 zoexzoe 來害你。
　　申 7: 23　"上帝的確 oe 將 yn 交 ho 你，大大擾亂 yn，直到 yn 滅亡；
　　申 7: 24　"koq boeq 將 yn ee 君王交 ti 你 ee 手中，你就 ho yn ee 名 tuy 天下消滅。　的確無一人 oe khia ti 你ee 面前，直到你將 yn 滅亡。
　　申 7: 25　"Yn 所雕刻 ee 神像，恁 tioh eng 火燒 yn；yn ee 身上(sincviu) ee 金銀，你 mxthafng 貪(thafm)，也 mxthafng theh yn 來成做家己⁺ee，免得你因為 cit'ee 來陷落 ti 羅網；zef 是你 ee 上帝所厭惡(iarm'vox)⁺ee。
　　申 7: 26　"凡是 thafng 厭惡 ee 物，你 mxthafng 帶入你 ee 厝；　驚了你也成做thafng 咒詛⁺ee， kab hiah'ee 物一樣。　你 tioh 極其痛恨(thornghun)，極其厭惡；　因為 zef 是 thafng 咒詛⁺ee。"　
　　　　　　　　　　　　　　　　　　　　　　　　　　　--=♂=回頁首 ---　　　　　　　　　　　　　　　　　　　　　　　　　　　　　　　　　　　　　　　　　
.申　命　記　　第　8　章

(.第八章　上帝所賜 ee 美地

　　申 8: 1　"我今仔日所命令 ee 一切誡命( kaebeng)，恁 tioh 執守(cipsiuo) 來行(kviaa)⁺伊，ho 恁 thafng 活，人額加添 zoexzoe，thafng 入去得著 hit'ee 上帝對恁列祖所誓言應允 ee地。
　　申 8: 2　"你也 tioh 記得上帝 cit'四十年來引導(ynzhoa) 你 ti 曠野 ee 路，是boeq ho 你通過試鍊來謙卑， koq boeq zaiviar 你 ee 心內怎樣(zvayviu)，有 boeq 守 Yee 誡命或無(iar boo)。
　　申 8: 3　"Y ho 你謙卑，也 ho 你飢餓(iaugo)，eng 你 kab 你 ee 列祖所 mxbad ee mafnar 養飼(viwchi)你；　ho 你 zaiviar，人 mxsi kantvaf 倚靠(oafkhox) 餅來活⁺teq，人是倚靠上帝ee 嘴所講 ee 一切 ee 話來活⁺ee。
　　申 8: 4　"Cit'四十年來，你 ee 衫褲無穿破，你 ee 腳也無腫(zerng)。　
　　申 8: 5　"你 ee 心 tioh zay，上帝 ka 你管教(koafnkax)，好親像人 teq 管教伊 ee kviar 一樣(cid'viu)。
　　申 8: 6　"你 tioh 執守上帝 ee 誡命，遵趁(zunthaxn) Y ee 道理，敬畏 Y。
　　申 8: 7　"因為上帝 zhoa 你進入 hit'ee 美(suie)ee 地，hit'ee 地有溪河(khoehoo)，有水泉，有深淵(chim'iefn)， tuy 山谷中有水流⁺出來。
　　申 8: 8　"Hit'ee 地有小麥、大麥、葡萄樹、無花果樹、石榴樹、橄欖樹，kab 蜜。
　　申 8: 9　"你 ti hit'所在，食物(ciaqmih) 充足，ti hiaf 你一項也無欠缺(khiarmkhoeq)。　Hit'所在 ee 石頭有含鐵，山內 thafng 掘出銅。
　　申 8: 10　"你 boeq 吃-gah 飽，就 olor 上帝，因為 Y 將 hit'ee 美 ee 地賞賜 ho 你。
　　申 8: 11　"你 tioh 謹慎(kynsin)，免得 boe-記得上帝，就無守 Y ee 誡命、法度 kab 律例，就是我今仔日所命令你 tioh 守⁺ee；
　　申 8: 12　"恐驚(khiofngkviaf) 你吃飽，建造美好 ee 厝宅(zhuotheh) 來居住(khiexkhie) 了後，
　　申 8: 13　"你 ee 牛羊加添，你 ee 金銀加添，koq 你所有⁺ee lorng 加添了後，
　　申 8: 14　"你 ee 心就自高(zuxkof)，boe-記得上帝，就是 ka 你 tuy Aikip-地做奴才 ee 家 zhoa⁺出來 ee，
　　申 8: 15　"Y 引導你經過 hit'ee 大 koq 可驚(thangkviaf) ee 曠野，hiaf 有火蛇、蠍仔蟲(giet'ar-thaang)、乾旱(tavoa) 無水 ee 地。　Y bad 為著你 ho 水 tuy 硬(gvi) ee 石磐(cioqpvoaa)中流⁺出來，
　　申 8: 16　"koq ti 曠野 eng 你 ee 列祖所 mxbad ee mafnar 來養飼你；　是 boeq 試鍊你， ho 你學習謙卑，到尾(kaoboea)thafng 得著福氣；
　　申 8: 17　"恐驚你心內想講(sviuxkorng)：　'Cit'ee 基業是我 ee 氣力、我 ee 能力所得⁺來 ee。'
　　申 8: 18　"你 tioh 記得上帝，因為你得著大基業 ee 能力是 Y ho⁺你 ee，為著 boeq ho Y 對你 ee 列祖所立 ee 誓約(sea'iog) thafng 成(cviaa)，親像今仔日 cit'款。　　　　　　　　　　　　　　　　　
　　申 8: 19　"你 na boe-記得上帝，去趁別個神明，來服事敬拜，恁的確 oe 滅亡；　zef 是我今仔日對恁 ee 警戒。
　　申 8: 20　"Iahohoaf ti 恁 ee 面前怎樣 ho 列國 ee 百姓滅亡，恁也的確 oe 照樣滅亡，因為恁 m-遵趁恁 ee 上帝 ee 話。 "

　　　　　　　　　　　　　　　　　　　　　　　　　　　--=♂=回頁首 ---

申　命　記　　第　9　章

(.第九章　　堅固　信心

　　申 9: 1　"Ysekliet⁺aq !　你 tioh 聽！　你今仔日 boeq 過(koex)Ioktaxn-河，入去趕出比你 khaq-強大 ee 國，boeq 得著廣大、堅固 koq 高-gah 抵天(twthvy) ee 城。
　　申 9: 2　"Hit'ee 百姓是 Alap-族 ee 人， i壯(iofngzoxng) koq 大漢，是你所 zaiviar⁺ee。　也 bad 聽見有人指著 yn 講： '甚人 oe ti Alap-人 ee 面前 khia-oextiaau leq?'
　　申 9: 3　"你今仔日 tioh zaiviar，上帝 ti 你 ee 頭前行，親像烈火， boeq ka yn 滅絕，將 yn 制伏 ti 你 ee 面前。　Afnny，你就 boeq 照上帝所講⁺ee，ka yn 趕出(kvoafzhud)， ho yn 緊緊滅亡。　
　　申 9: 4　" 將 ciah'ee 國 tuy 你 ee 面前趕出以後，你ti 心內 mxthafng 講： '上帝 ka 我 zhoa-入來得著 cit'ee 地是因為我 ee 義。'　其實，上帝將 yn tuy 你 ee 面前趕⁺出去是因為 yn ee phvae。
　　申 9: 5　"你去得著 yn ee 地，並(peng) mxsi 因為你 ee 義，也 mxsi 因為你 ee 心正直，是因為 ciah'ee 國 ee phvae：　上帝將 yn tuy 你 ee 面前趕⁺出去， koq 因為上帝 boeq堅固 Y 對你 ee 列祖 Apeklaqharn、Ysad、Gvafkog立誓所應允 ee 話。
　　申 9: 6　"你 tioh zaiviar，上帝將 cit'ee 美 ee 地賜你做業，並 mxsi 因為你 ee 義；你原本是硬著頷頸，boe 聽話 ee 百姓。
　　申 9: 7　"你 tioh 記⁺teq，mxthafng boe-記得(kietid) 你 ti 曠野是 afnnar 惹著(jiaftioh) 上帝 ee 受氣。　Tuy 你出Aikip-地 ee hit'日，直到恁來到 cit' 所在，恁時常 teq 悖逆(poexgek)上帝。
　　申 9: 8　"恁 ti Holiet-山 koq 惹著上帝 ee 受氣；　Y 受氣恁，boeq ka 恁滅絕。
　　申 9: 9　"我上山(cviuxsvoaf)，去領受(niafsiu) 兩塊(nngxtex) 石碑(cioqpy)，就是 Iahohoaf kab 恁立約 ee 碑。　Hit'時我 ti 山頂住(toax) 四十暝日(mijit)，無吃飯，也無飲(lym) 水。
　　申 9: 10　"上帝 ka hit'兩塊石碑交 ho 我，是 Y eng 指頭仔(zefngthau'ar) 寫⁺ee。　Hit'頂面所寫⁺ee 是照上帝 ti 大會 ee 日、 ti 山頂、 tuy 火中對恁所講 ee 一切 ee 話。　
　　申 9: 11　"過四十暝日(mijit)，上帝將 hit'兩塊石碑，就是約碑，交 ho⁺我。
　　申 9: 12　" 上帝對我講： '你起⁺來，趕緊落⁺去！　因為你 tuy Aikip zhoa⁺出來 ee 百姓已經敗壞家己；　 yn 緊緊就 boeq 偏離 Goar 所命令 ee 道理，為家己鑄(zux) 一身(cidsiefn) 偶像。'　
　　申 9: 13　"上帝 koq 對我講： 'Goar 看 cit'ee 百姓是硬著頷頸 ee 百姓。
　　申 9: 14　"'你出在(zhutzai)Goar，Goar boeq 滅絕 yn，將 yn ee 名 tuy 天下塗滅(zhatbiet)，ho 你 ee 後裔成做比 yn khaq-大、khaq-強 ee 國。'　
　　申 9: 15　"Zu afnny 我轉身落山，山 ho 火燒燃(siotoh)，兩塊約碑ti 我 ee 雙手中間。
　　申 9: 16　"我一下 (cide)看，恁已經得罪上帝，為家己鑄一隻牛仔，緊緊 teq 偏離上帝所命令恁 ee 道理，
　　申 9: 17　"我 ti 心狂(sym- koong)中將手中 hit'兩塊石碑 khiefn⁺出去，打折(phahcih)ti 恁 ee 目睭前。
　　申 9: 18　"我就親像從前，koq 去伏落(phakloh) ti Iahohoaf ee 面前四十暝日，無吃飯，也無飲水。　因為恁所犯 ee 一切 ee 罪，就是行上帝目睭中看做 phvae ee 事，惹著 Y ee 受氣，
　　申 9: 19　"因為上帝對恁大大受氣， boeq ka 恁滅絕，我就很驚(cviakviaf)；總是 hitpae 上帝 koq 應允我 ee 懇求。
　　申 9: 20　"上帝也受氣Aluun，boeq 滅伊；　 hit'時陣我也替Aluun 祈禱(kitor)。
　　申 9: 21　"我 ka hit'身(siefn) 恁犯罪所鑄 ee 牛仔 eng 火焚燒， koq 摃碎(korngzhuix)後研做(gefngzox) 粉末(hwnboah)，致到(tiekaux) 伊變成幼-gaq 親像灰，我就 ka hiah'ee灰撒(ia) ti tuy 山頂流⁺落來 ee 溪⁺裡。
　　　　　　　　　　　　　　　　　　　　　　　　　　　　--=♂=回頁首 ---
　　申 9: 22　"恁 ti Thapixlah、ti Mafsad、ti Kiphokloo-Haptha'oar koq 惹著上帝ee 受氣。
　　申 9: 23　"上帝派恁離開 Katesw Pani'af，講：　'恁上去得著 Goar 所賜 ho 恁 ee 地。'　Hit'時恁違背(uipoe)上帝 ee 命令，boboeq 信服 Y，m-遵趁 Y ee 話。　
　　申 9: 24　"自從我識 (bad)恁以來，恁常常悖逆上帝。
　　申 9: 25　"我，因為上帝講 boeq 滅絕恁，就伏(phag)ti 上帝 ee 面前四十暝日。
　　申 9: 26　"我祈禱上帝講：'主⁺aq !　求你 mxthafng 滅絕 Lie ee 百姓。Yn 是 Lie ee 產業，是 Lie eng 大 ee 氣力救贖(kiuosiok)，koq eng 大權能 tuy Aikip zhoa⁺出來 ee。　　　　　　
　　申 9: 27　"'求 Lie 記得 Lie ee 僕人 Apeklaqharn、Ysad kab Gvafkog，mxthafng 干單(kantvaf)看著 cit'ee 百姓 ee 硬心(gvixsym)kab yn ee phvae、yn ee 罪，
　　申 9: 28　"'免得 Lie zhoa 阮出⁺來 ee hit'所在 ee 人講，Iahohoaf 因為 boextaxng 將 hit'ee 百姓 zhoaxjip Y 所應允 ee 地， koq 怨恨 yn，所以 zhoa yn 出去就滅 yn ti 曠野。 '
　　申 9: 29　"其實 yn 是 Lie ee 百姓，Lie ee 產業，是 Lie eng 大權能 kab 伸⁺出來 ee 手，ka yn zhoa⁺出來 ee。"
　　　　　　　　　　　　　　　　　　　　　　　　　　　--=♂=回頁首 ---
　　　　　　　　　　　　　　　　　　　　　　　　　　　　　　　　　　.

申　命　記　　第　10　章　

(.第十章　　再授誡命

　　申 10: 1　"Hit'時，上帝命令我講： '你 tioh 打造(phahzo) 兩塊石碑(cioqpy)， kab 先前 ee 一樣，上山(cviuxsvoaf) 來 kaux Goar-ciaf， koq tioh 作一個柴櫃(zhakui)。
　　申 10: 2　"'你先前打折(phahcih) ee hit'兩塊石碑，頂面 ee 話 Goar boeq koq 寫 ti cit'兩塊石碑 ee 頂面；　你 tioh 將 cit'兩塊石碑 he ti 櫃內。'
　　申 10: 3　"Zu afnny 我就 eng 皂莢柴(zoxkiapzhaa) 作一個櫃， koq 打造兩塊石碑，kab 先前⁺ee 一樣；　我親手 theh cit'兩塊石碑上山。
　　申 10: 4　"上帝將大會 hit'日，ti 山頂 tuy 火中所傳 ho 恁 ee 十條誡，照先前所寫⁺ee，寫 ti cit'兩塊石碑，而將 ciah'ee 交 ho 我。
　　申 10: 5　"我越轉身(oadtngr-syn) 落山，將 cit'兩塊石碑 he ti 我所作 ee 櫃，到今(kaotvaf) iao ti hiaf，twtuo 照著上帝 ee 命令。
　　申 10: 6　"(Ysekliet-人 tuy Pylopyni'akafn 起行(khykviaa)， kaux Moselah。 Aluun 死 ti hiaf，就埋葬(baizoxng) ti hiaf。　伊 ee kviar Ylixasad 續接(soarciab) 伊來擔當(tamtngf) 祭司(zeasy) ee 職。
　　申 10: 7　"Yn tuy hiaf 起行， kaux Kokkotai， koq tuy Kokkotai kaux 有溪水 ee 地 ee Iokpathaf。
　　申 10: 8　"Hit'時，上帝將Lixbi-支派分別⁺出來，ho yn 扛(kngf)上帝 ee 約櫃， koq khia ti 上帝 ee 面前來服事 Y，奉 Y ee 名來祝福，直到今仔日。
　　申 10: 9　"所以 Lixbi ti 伊 ee 兄弟中無分無業，上帝是伊 ee 產業，照上帝所應允伊⁺ee。）
　　申 10: 10　"我 koq 親像從前， ti 山頂住四十暝日。　Hitpae 上帝也應允我，mxkafm 滅你。
　　申 10: 11　"上帝吩咐我講：'你起來引導 cit'ee 百姓，ho yn 入去 Goar 先前對 yn 列祖立誓(libsex)boeq 賜 ho yn ee 地。'　
　　　　　　　　　　　　　　　　　　　　　　　　　　　--=♂=回頁首 ---
　　申 10: 12　"Ysekliet⁺aq !　Tvaf 上帝愛你做什麼 leq?　Kiarm mxsi 獨獨愛你敬畏(kerng'uix) 上帝，遵趁來行 Yee 道理，疼(thviax)Y，盡心盡性來服事 Y，
　　申 10: 13　"遵守 Y ee 誡命律例，ciah'ee 是我今仔日命令你⁺ee，zef lorng 是為著 boeq ho 你得著福氣。
　　申 10: 14　"看⁺aq !　天 kab 天頂 ee 天，地 kab 地上所有⁺ee， lorng 屬 ti 你 ee 上帝。
　　申 10: 15　"上帝獨獨喜愛你 ee 列祖，疼 yn，tuy 萬民中揀選(kefngsoarn)yn ee 後裔，就是恁，親像今仔日 afnny。
　　申10: 16　"所以恁 tioh 將心內 ee lasaam 除掉， mxthafng 復再(kohzaix) 硬著頷頸(axmkurn)。
　　申 10: 17　"因為上帝是 ciah'ee 神明 ee 上帝，ciah'ee 主 ee 主，Y 是至大(cie'toa) ee 上帝，大有能力，koq thafng 驚畏；　Y 無 eng 外貌來取人(zhwlaang)，也 boe 受著買收(boefsiw)。　
　　申 10: 18　"Y 為孤兒-寡婦伸冤(sin'oafn)，koq 疼出外 ee 人，ho yn 吃 kab 穿。
　　申 10: 19　"所以恁 tioh 疼出外人，因為恁也 bad 出外 ti Aikip-地。
　　申 10: 20　"你 tioh 敬畏上帝，服事 Y，專靠 Y，也 tioh 指著 Y ee 名起誓(khysex)。
　　申 10: 21　"Y 是 thafng ho 你 olor⁺ee，是你 ee 上帝，為你作 hit'ee 大 koq 可驚(thangkviaf) ee 事，是你親目所看⁺見ee 。　
　　申 10: 22　"你 ee 列祖七十人落 Aikip；　現在上帝 ho 你親像天頂 ee 星 hiahniq'多(zoe)。"　
　　　　　　　　　　　　　　　　　　　　　
　　　　　　　　　　　　　　　　　　　　　　　　　　　--=♂=回頁首 ---

　●　往　 申命記　第 11 ~ 15 章　　　　　台語現代文網路聖經：　林繼雄‧林華英編譯　1999/2/25　上網　　　　