【ＷＷＷ台語聖經】
 
.
出　埃　及　記
.第 16 ∼ 20 章

　. . . . . . . . . . . . . . . . . . . . . ●　回 EDUTECH 首 頁

速 選 :　◎　第十六章　Mafnar　◎　第十七章　出自 山岩 ee 水　
◎　第十八章　Iabthekloo ee 來訪　◎　第十九章　到達 Senae-山◎　第二十章 Mosef ee 十誡 
第 1 ~ 5 章 第 6 ~10 章 第 11~15 章 第 16~20 章
第 21~25 章 第 26~30 章 第 31~35 章 第 36~40 章
　　　　　　　　　　　　　　　　　　　　出　埃　及　記　　 第　16　章

第 十六 章
　　　　　　　　　　　　　　　　　　　　　　　　　　　　　　　　
　出16: 1　Ysekliet全會眾 tuy Yliim 出發， ti 出-Aikip後 第二個月 十五日 kaux Yliim kab Senae ee 中間、Sixn ee 曠野。
　出16: 2　Ysekliet 全會眾 ti 曠野 對 Mosef kab Aluun 發出 閮央A講：
　出16: 3　"Mxtadtioh 阮 ti Aikip-地，死 ti Iahohoaf ee 手下； hitsii 阮 坐 ti 肉鍋邊， 吃得 飽足。　恁 zhoa 阮 出^來， kaux cit'ee 曠野，是 boeq 叫 ciah'ee 全會眾 lorng 餓^死 maq！"
　出16: 4　Iahohoaf 對 Mosef 講："我 boeq 將 糧食 tuy 天 降 ho 恁。　百姓 thafng 出^去，每日 收 每日 ee 份額，Goar thafng 試驗 yn，看 yn 是否[si-hor] 遵趁[zunthaxn] Goar ee 法度。　
　出16: 5 　"Kaux 第六日， yn tioh ka 所拾[khioq]^入來 ee，備辦 好勢，比 每日 所拾^ee 加一倍。"
　出16: 6　Mosef kab Aluun對Ysekliet眾人 講："Kaux 今昏
[ehngf]，恁就 boeq zaiviar 是 Iahohoaf ka 恁 tuy Aikip-地 zhoa^出來 ee。
　出16: 7　"明仔早起[min'ar-zafkhie]，恁 boeq 看見 Iahohoaf ee 榮耀，因為 Iahohoaf聽見 恁 對 Y 所發 ee 怨言。　阮 算 甚麼，恁 竟然 對 阮 發出 怨言 leq﹖"
　出16: 8　Mosef koq 講："Iahohoaf今昏 的確 boeq ho 恁 有肉 thafng 吃，早起時 的確 boeq ho 恁 吃 餅 kaux 飽；　因為 恁 對 Iahohoaf發出 ee 怨言 Y lorng 聽見。　阮 算 甚麼，恁 ee 怨言 mxsi 對 阮 發^ee，是對Iahohoaf發^ee。"
　出16: 9　Mosef 對 Aluun講："你 ka Ysekliet 全會眾 講： '恁 tioh 就近Iahohoaf ee 面前，因為 Y 已經 聽見 恁 ee 怨言。'"
　出16: 10　Aluun twtuo teq 對Ysekliet全會眾 講話 ee 時陣，
yn 向 曠野看，不料，Iahohoaf ee 榮光 ti 雲中 顯現。
　出16: 11　Iahohoaf對Mosef講：　
　出16: 12　"Goar 已經 聽見 Ysekliet-人 ee 怨言。　你 ka yn 講：　'Kaux黃昏 ee 時，恁 boeq 吃 肉，早起時，的確 boeq ho 恁 吃 餅 kaux 飽，恁 就 zaiviar 我 是 Iahohoaf，恁 ee 上帝。'"
　出16: 13　Kaux 晚時[armsii]，有 鵪鶉[ienzhwn] 飛^來，遮蓋[jiakhaxm] 全營；　早起時 ti 營 ee 四圍 ee 地上 有 露水。
　出16: 14　露水 乾^去[taf^khix] 以後，不料，曠野 ee 地面上 有 白色 小小 圓圓 ee 物，幼細 kaux 親像 霜。
　出16: 15　Ysekliet-人 看見， mxzay 是 什麼，就 彼此 對問 講：
"Zef 是 什麼 leq﹖"　Mosef 對 yn 講："Zef 就是Iahohoaf boeq ho 恁 吃 ee 餅。
　出16: 16　"Iahohoaf所吩咐^ee 是 afnny：恁 tioh 按照 各人
[taglaang] ee 食量 來 拾，各人 為 布棚[porpvii]^裡 ee 人，也 按照 人數 來 拾，一人 theh 一 gomuinie（gomuinie就是ihoad ee 十分之一）。 "
　出16: 17　Ysekliet-人 就 afnny 行； uxee 拾 zoe，uxee 拾 少 。
　出16: 18　Kaux eng gomuinie 來 量， 拾-zoe^ee 也 無剩， 拾- 少^ee也 
無欠[bokhiaxm]； 各人 按照 家己 ee 需要 來 拾。
　出16: 19　Mosef 對 yn 講："所吃剩^
ee， 無論 甚人 lorng mxthafng 留 kaux 早起時。 "
　出16: 20　總是 yn m-聽 Mosef ee
話，有人 留 kaux 早起時^ee，就 生蟲 變臭； Mosef 就 對 yn 受氣。
　出16: 21　Yn 每日早起時，按照各人 ee 需要 來 拾，日頭 一下 曝
[phak]，就 融^去。
　出16: 22　Kaux 第六日， yn 拾 雙倍 ee 份量，每人 兩-gomuinie。　全會 ee hiah'ee 頭人 來見 Mosef；
　出16: 23　Mosef 對 yn 講："Iahohoaf afnny 講：　'明仔再 是 聖 ee 安歇日，是 向 Iahohoaf守ee 聖 ee 安歇日。　恁 tioh 將 boeq 烘[hafng]^ee 烘-hof 好， boeq 煮^ee 煮-hof 好； 所剩^ee lorng 留 kaux 隔早起[kehzafkhie]。'"　
　出16: 24　Yn 就 照 Mosef ee 吩咐，ka hiah'ee 留 kaux 隔早起； 也 無 臭味，內面 也 無 生蟲。
　出16: 25　Mosef 講："恁 今仔日 吃 ciah'ee^aq！　因為 今仔日 是 向 Iahohoaf 守 ee 安歇日； 恁 ti 田野[zhan'iar] 的確 尋無物
[zhoe-bomih]。
　出16: 26　"六日間 thafng 拾，第七日 是 安歇日，hit'一日 就 無。"
　出16: 27　第七日，百姓中 有人 出去 拾， 甚麼 也 拾無。
　出16: 28　Iahohoaf對Mosef講："恁 boboeq 守 Goar ee 誡命 kab 律法， boeq kaux 幾時[tixsii] leq﹖
　出16: 29　"恁 看！ Iahohoaf 既然 將 安歇日 賜 ho 恁，所以 第六日 Y 賜 恁 兩日 ee 糧食，第七日 各人 tioh 站[tiaxm] ti 家己 ee 所在，lorng mxthafng 出^去。 "
　出16: 30　Zu afnny，百姓 就 ti 第七日 安歇。
　出16: 31　Cit'ee 食物， Ysekliet-家 叫做 mafnar； 款式 親像 芫荽仁[oansuy-jiin]，色緻[sektix] 是 白^ee，滋味 親像 攙[zhafm] 蜜 ee 薄餅。
　出16: 32　Mosef 講："Iahohoaf所吩咐^ee 是 afnny：'Tioh 將 一-gomuinie ee mafnar留 ho 恁 ee 後代[auxtai]，ho yn thafng 看見 Goar 當日 zhoa 恁 出 Aikip-地， ti 曠野所 ho 恁 吃 ee 餅。 '"
　出16: 33　Mosef 對 Aluun講："你 theh 一個 罐仔，裝 一-gomuinie ee mafnar，khngx ti Iahohoaf ee 面前， 留 kaux 恁ee 後代。 "
　出16: 34　Iahohoaf afnnar 吩咐Mosef， Aluun就 照 afnny 行， ka mafnar he ti 法櫃前 留^teq。
　出16: 35　Ysekliet-人 吃 mafnar 總共 四十年，直到 進入 有人 居住 ee 地，就是Kalaam ee 境界 。
　　　　　　　　　　　　　　　　　　　　　　　　　　--=♂=回 頁 首 --- 　

　　　　　　　　　　　　　　　　　　　　出　埃　及　記　　 第　17　章

第 十七 章
　　　　　　　　　　　　　　　　　　　　　　　　　　　　　　　　　　　　出17: 1　Ysekliet 全會眾 lorng 遵守 Iahohoaf ee 吩咐，按照 路站[loxzam] tuy　Sixn ee 曠野 向前 行， ti Lixhuitexng紮營
[zat'viaa]。　百姓 無 水 thafng 飲，
　出17: 2　所以 kab Mosef計較，講："Ho 阮 有 水 thafng 飲^aq！"　Mosef 對 yn 講：　"恁 為 甚麼[sviafmih] kab 我 計較?　為 甚麼 試探Iahohoaf leq﹖"
　出17: 3　百姓 ti hiaf cviaa-嘴乾[zhuietaf]， boeq 飲 水，就 向 Mosef 發出 閮央A講：　"你 為 甚麼 將 阮 tuy Aikip zhoa^出來，ho 阮 kab 阮 ee 子兒[kviafjii] kab 牲生[zengsvy] lorng 乾^死[taf+sie] leq﹖"
　出17: 4　Mosef 就 求叫Iahohoaf講："我 tioh 向 cit'ee 百姓 afnnar 做 leq﹖ Yn 差不多 boeq theh 石頭 擲死[tirmsie] 我。”
　出17: 5　Iahohoaf對Mosef講："你 手內 theqtioh 你 先前
[siencieen]擊打 河水 ee 柺仔，做 頭前[zox thauzeeng] 帶領 Ysekliet ee 幾偌個[kuynaxee]長老， tuy 百姓 面前 行^過去。
　出17: 6　"我 boeq khia ti 你 ee 面前， ti Holiet ee 石磐-
hiaf。 　你 phaq hit'ee 石磐， tuy 石磐^裡 boeq 有 水 流^出來，
ho 百姓 thafng 飲。 "　　Mosef 就 ti Ysekliet ee 長老 眼前
[gafncieen] afnny 行。
　出17: 7　伊 ka hit'ee 所在 號名 叫做 Mafsad (就是 試探 ee 意思），koq 叫做Bylixpaf（就是 計較 ee 意思）；　因為Ysekliet-人 計較， koq 因為 yn 試探 Iahohoaf講： "Iahohoaf有 ti 阮中間 或 無﹖"
　出17: 8　Hitsii，Amaflek-人 來 kaux Lixhuitexng， kab
Ysekliet-人 交戰。
　出17: 9　Mosef 對 Ioksu'af講："你 為 咱 揀選[kefngsoarn] 人 來，出去 kab Amaflek-人 交戰。　明仔再 我 手^裡 boeq giaqtioh 上帝 ee 柺仔，khia ti 山頂。”
　出17: 10　Zu afnny， Ioksu'af照著Mosef 對 伊 所講 ee 話， 去 kab Amaflek-人 交戰。 　Mosef kab Aluun， kab Hoxnie lorng 上起去[cviu-khylix] 山頂。
　出17: 11　Mosef 舉手^起去 ee 時， Ysekliet-人 就 khaq-贏，
放手^落去 ee 時， Amaflek-人 就 khaq-贏。
　出17: 12　總是 Mosef ee 手 發酸
[hoatsngf]， yn 就 搬 石頭 來，he ti 伊 ee 下面，伊 就 坐 ti 石頂。　Aluun kab Hoxnie扶 伊 ee 手，一個 ti cit'旁，一個 ti hit'旁，伊 ee 手 就 穩住[wnzu]，直到 日落[jit-loh (jit loh)] ee 時陣。
　出17: 13　Ioksu'af eng 刀 thaai Amaflek-王 kab 伊 ee 百姓。
　出17: 14　Iahohoaf對Mosef講："Goar boeq 將Amaflek ee 名字 tuy 天下 完全 擦滅；　你 tioh 將 cit'ee 話 寫 ti 冊[zheq]^裡 作 記念，koq 唸 ho Ioksu'af聽。 "
　出17: 15　Mosef 起 一座 壇，號名 叫做Iahohoaf-Nisef（就是Iahohoaf是 我 旌旗[zengkii] ee 意思），
　出17: 16　koq 講："Iahohoaf已經 立誓[libsex] 講，的確 boeq 世世代代 kab Amaflek-人交戰。　
　　　　　　　　　　　　　　　　　　　　　　　　--=♂=回 頁 首 --- 　

　　　　　　　　　　　　　　　　　　　　出　埃　及　記　　 第　18　章

第 十八 章
　　　　　　　　　　　　　　　　　　　　　　　　　　　　　　　　　　　　　出18: 1　Mosef ee 丈人[tviuxlaang]， Bytieen ee 祭司[zeasy]
Iabthekloo，聽見 上帝 為 Mosef kab 上帝 ee 百姓Ysekliet 所行 ee 一切 事，就是 Iahohoaf將Ysekliet tuy Aikip zhoa^出來 ee 事，
　出18: 2　就 帶著 Mosef ee bor Sepholah，就是Mosef從前 差 yi tngr^去 ee，
　出18: 3　koq 帶著 Sepholah ee 兩個 kviar，一個 名叫 Keksun，因為　Mosef 講："我 寄居[kiarkw] ti 外邦；"
　出18: 4　一個 名叫 Ylixysia，因為 伊 講："我 ee 老父 ee 上帝 幫助[pangzan] 我，救 我 脫離 Hoatlor ee 刀。"
　出18: 5　Mosef ee 丈人Iabthekloo帶著Mosef ee bor kab 兩個 kviar 來到 上帝 ee 山，就是 Mosef ti 曠野 紮營 ee 所在。
　出18: 6　伊 對 Mosef講："我 是 你 ee 丈人Iabthekloo，帶著 你 ee bor kab 兩個 kviar 來到 你-ciaf。
　出18: 7　Mosef 迎接 伊 ee 丈人，向 伊 行禮[kvialea]， kab 伊 唚嘴[cimzhuix]，彼此 問安， 就進入 布棚。
　出18: 8　Mosef 將 Iahohoaf為Ysekliet ee 緣故 向 Hoatlor kab Aikip-人 所行 ee 一切 事，以及 路上 所 遭遇 ee 一切 艱難，以及 Iahohoaf afnnar 搭救 yn，lorng 講 ho yn-丈人 聽。
　出18: 9　因為 Iahohoaf對 Ysekliet所做 ee 一切 好處，就是 拯救 yn 脫離 Aikip-人 ee 手，Iabthekloo就 cviaa-歡喜。
　出18: 10　Iabthekloo講："Iahohoaf是 應當  olor^ee； 　Y 救出 恁 脫離 Aikip-人 kab Hoatlor ee 手，將 cit'ee 百姓 tuy Aikip-人 ee 手下[chiw'e] 救出來。
　出18: 11　"Tvaf 我 tuy Aikip-人 驕傲 對待 cit'ee 百姓 ee 事上 thafng 知，Iahohoaf比 萬萬個 神明 lorng khaq-大。"
　出18: 12　Mosef ee 丈人Iabthekloo ka 上帝 獻上 燒祭 kab 平安祭。　Aluun kab Ysekliet 所有 ee 長老 lorng 來 kab Mosef ee 丈人 ti 上帝面前 吃飯。
　出18: 13　隔日， Mosef 坐-teq 審判 百姓，百姓 tuy 早起 kaux 下昏 lorng khia ti Mosef ee 左右。
　出18: 14　Mosef ee 丈人 看見 伊 對 百姓 所作ee 一切 事，就 講："你 對 百姓 作^ee 是 甚麼事 leq﹖你 為 甚麼 家己 坐^teq，ho 眾百姓 tuy 早起 kaux 下昏 lorng khia ti 你 ee 左右 leq﹖"
　出18: 15　Mosef 對丈人 講："Zef 是 因為 百姓 kaux 我 ciaf 來 求問 上帝。
　出18: 16　"Yn 有事 ee 時陣 就 kaux 我-ciaf 來，我 就 ti 雙旁 ee 中間 ka yn 判斷；我 koq ho yn zaiviar 上帝 ee 律例 kab 法度。 "
　出18: 17　Mosef ee 丈人 講："你 afnny 做 mxhor。
　出18: 18　"你 kab ciah'ee 百姓 lorng oe 損身[sngfsyn]； 因為 ciah'ee 工作 太重，你 家己 一人 辦理-boexliao。
　出18: 19　"Tvaf 你 tioh 聽 我 ee 話。　我 ka 你 出 cidee 主意，願 上帝 kab 你 ti^teq。　你 tioh 替 百姓 kaux 上帝 面前，將 案件 �告[zaokox]上帝；
　出18: 20　"koq tioh 將 律例 kab 法度 教示 yn，指示 yn tioh 行 ee 路，tioh 作 ee 事；
　出18: 21　"也 tioh tuy 百姓中 揀選 有 才能 ee 人，就是 敬畏 上帝、誠實 無 laxmsarm、怨恨 不義 ee 錢財 ee 人，派 yn 作 百姓 ee 序大[sixtoa]，有 管理 一千人^ee、有 管理 一百人^ee、有 管理 五十人^ee、有 管理 十人^ee，
　出18: 22　"ho yn 隨時 審判 百姓，大事 lorngtioh 呈報[tengpox]
kaux 你-ciaf，小事 yn 家己 thafng 審判 。 　Afnny，你 就 khaq-減輕， yn 也 thafng kab 你 svakab 擔當[tamtngf] cit'ee 責任。
　出18: 23　"你 na afnny 行，上帝 也 afnny 吩咐 你，你 就 支載
[cihzaix]-oextiaau，ciah'ee 百姓 也 lorng thafng 平安 來往，也 thafng 居住 ti yn ee 所在。"
　出18: 24　Zu afnny，Mosef 聽從 yn-丈人 ee 話，按照 伊 所講^ee 去 行。
　出18: 25　Mosef tuy Ysekliet-人中 揀選 有 才能 ee 人，設立 yn 作百姓 ee 序大，有 管理 一千人^ee、有 管理 一百人^ee、有 管理 五十人^ee、有 管理 十人^ee。
　出18: 26　Yn 隨時 審判 百姓，有ohtid 判斷 ee 案件 就 呈報 kaux Mosef-hiaf；凡是 各樣 ee 小事，yn 家己 審判。
　出18: 27　後來， Mosef 送 伊 ee 丈人 tngr^去，伊 就 tngr-去 伊 ee 本所在。
　　　　　　　　　　　　　　　　　　　　　　　　　　--=♂=回 頁 首 --- 　

　　　　　　　　　　　　　　　　　　　　出　埃　及　記　　 第　19　章

第 十九 章
　　　　　　　　　　　　　　　　　　　　　　　　　　　　　　　　　　　　　出19: 1  Ysekliet-人 出 Aikip-地 以後，滿 三個月 ee hit'一日，就 來到[laikaux]Senae ee 曠野。
　出19: 2　Yn 離開 Lixhuitexng，來到Senae ee 曠野，就 ti hiaf ee 山腳[svoakhaf] 紮營[zat'viaa]。
　出19: 3　Mosef kaux 上帝-hiaf，Iahohoaf tuy 山頂 叫 伊 講："你 tioh afnny ka Gvafkog-家，教示 Ysekliet-人 講：　
　出19: 4　"'Goar 對 Aikip-人 所行 ee 事，恁 lorng 看^見，
koq 看見 Goar afnnar 親像 鷹鳥[engciao] ee 翅[sit] 背恁 來 歸 ti Goar。
　出19: 5　"'Tvaf恁 na 實在 聽趁[thviathaxn] Goar ee 話，遵守 Goar ee 約，就 boeq ti 列邦中 作 Goar 家己 ee 寶貝，因為 全地 lorng 是 Goar ee。
　出19: 6　"'恁 boeq 歸 ti Goar，作 祭司 ee 國度，做 聖潔 ee 國民。'Ciah'ee 話 是 你 tioh ka Ysekliet-人 講^ee。"
　出19: 7　Mosef 去 召 民間 ee 長老 來，將 Iahohoaf所吩咐 伊 ee 話 lorng ti yn 面前 講明。
　出19: 8　百姓 lorng 同聲 回答 講："凡是Iahohoaf所講^ee，阮 lorng boeq 遵守。"　 Mosef 就 將 百姓 ee 話 回覆 Iahohoaf。
　出19: 9　Iahohoaf對 Mosef講："Goar boeq ti 密雲[badhuun]中 臨到[limkaux] 你-hiaf，ho 百姓 ti Goar kab 你 講話 ee 時陣 thafng 聽^見，也 thafng 永遠 相信 你。"　Zu afnny， Mosef 將 百姓 ee 話 奏告 Iahohoaf。
　出19: 10　Iahohoaf koq 對Mosef 講："你 去 百姓-hiaf，叫 yn 今仔日、明仔再 家己 清潔，koq 叫 yn 洗 衫。
　出19: 11　"Kaux 第三日 tioh 豫備好，因為 第三日 Iahohoaf boeq ti 眾百姓 ee 目睭前 降臨 ti Senae-山。
　出19: 12　"你 tioh ti 山 ee 四圍 ka 百姓 設 界限，講：'恁 tioh 謹慎， mxthafng 上山^去，也 mxthafng bofng 山 ee 交界；　凡是 bofng cit'ee 山^ee，的確 tioh ho 伊 死。
　出19: 13　"'Mxthafng eng 手 bofng^伊， tioh eng 石頭 tixm^伊，或是[iafsi] eng 箭 射^伊；無論 是 人 或是 牲生[zengsvy]， lorng boextaxng 活。 '　Kaux 哨角[saokag]ee 聲 拖長 ee 時陣， yn ciaq thafng 來 kaux 山腳。 "
　出19: 14　Mosef 落山 去 百姓-hiaf，ho yn 聖潔， yn 就 家己 洗 衫。
　出19: 15　伊 對 百姓 講：　"Kaux 第三日 tioh 豫備好。　Mxthafng 親近 zabor-laang。"
　出19: 16　Kaux 第三日 早起時，ti 山頂 有 雷 鳴[taan]、閃電[sihnax] kab 密雲，koq 哨角 ee 聲 cviaa-大，營中 ee 百姓 lorng gviauqgviauq'zhoaq。
　出19: 17　Mosef zhoa 百姓 出營 迎接 上帝， lorng ti 山腳
khia^teq。
　出19: 18　Senae全山 lorng 起 火燄，因為 Iahohoaf ti 火中 降臨 ti 山頂：　山 ee 火燄 騰高[zherngkoaan]，nar 親像 磁窯 ee 火，遍山 大大 震動[tyntang]。
　出19: 19　哨角 ee 聲 nar-鳴 nar-大， Mosef 就 講話，上帝 出聲 回答 伊。
　出19: 20　Iahohoaf  降臨 ti Senae-山頂，Iahohoaf召[tiaux]Mosef上山 ee 頂高[tefngkoaan]，Mosef就 上^去。
　出19: 21　Iahohoaf對 Mosef講："你 落去 禁誡[kirmkaix] 百姓，
mxthafng 闖過界[zhoaxng-koeakaix]來 kaux Goar-ciaf boeq 看，致到 yn 有 zoexzoe 人 死亡；
　出19: 22　"koq 叫 親近 Goar ee 祭司 也 tioh 家己 潔淨， 驚了 Goar 忽然 出來 phaq^yn。"
　出19: 23　Mosef 對 Iahohoaf講："百姓 boextaxng 上來 Senae-山，因為 Lie 已經 禁誡 阮 講：　'Tioh ti 山 ee 四圍 定 界限，ho 山 成做 聖。'"
　出19: 24　Iahohoaf 對 伊 講：　"落^去 aq，你 tioh kab Aluun 做夥 上^來； 獨獨 祭司 kab 百姓 mxthafng 闖過界 上來 kaux Goar ee 面前， 恐驚 Goar 忽然 出來 phaq^yn。"
　出19: 25　Zu afnny， Mosef落去 kaux 百姓-hiaf ka yn 講。
　　　　　　　　　　　　　　　　　　　　　　　　　　--=♂=回 頁 首 --- 　

　　　　　　　　　　　　　　　　　　　　出　埃　及　記　　 第　20　章

第 二十 章
　　　　　　　　　　　　　　　　　　　　　　　　　　　　　　　　　　　　　出20: 1　"上帝 吩咐[hoanhux] ciah'ee 一切 ee 話 講：
　出20: 2　"'Goar 是Iahohoaf，你 ee 上帝， 有將 你 tuy Aikip-地 做 奴僕 ee 家 zhoa^出來。
　出20: 3　"'除 Goar 以外，你 mxthafng 有 別個[padee] 上帝。
　出20: 4　"'Mxthafng 為 家己 雕刻 偶像[gvofsiong]，無論[bolun] 天頂、地上， kab 地下、水內 所有 ee 物，lorng mxthafng 作 yn ee 像。
　出20: 5　"'Mxthafng 敬拜[kerngpaix] hiah'ee 像，也 mxthafng 服事[hogsai] yn，因為 Goar Iahohoaf，你 ee 上帝，斷斷[toarntoaxn] m-容允[iong'urn] eng 別個 神明 來 匹配[phitphoex] Goar；　怨恨 Goar^ee，Goar boeq 追討[tuithor] 伊 ee 罪，tuy 父 kaux kviar，直到 三四代；
　出20: 6　"'疼[thviax] Goar、守 Goar ee 誡命^ee，Goar boeq 施恩[si'wn] ho yn，直到 千代[chientai]。
　出20: 7　"'Mxthafng laxmsarm 叫 Iahohoaf，你 ee 上帝 ee 名； 因為 亂叫 Iahohoaf ee 名^ee，Iahohoaf的確 boe liah 伊 做 無罪。
　出20: 8　 "'Tioh 記得[kie'tid] 安歇日，守 做 聖。
　出20: 9　"'六日內 tioh 勞碌[lolok] 作 你 一切 ee 工，
　出20: 10　"'獨獨 第七日 是 向 Iahohoaf，你 ee 上帝來 守 ee 安歇日。　　Cit'日，你 kab 你 ee 兒女、奴僕 女婢、牲生， 以及 tiaxm ti 你 中間 ee 出外人，一切 ee 工 lorng mxthafng 作；
　出20: 11　"'因為 六日內，Iahohoaf創造 天、地、海， kab hit'中間 ee 萬物[baxnmih]，第七日 就 安歇[anhioq]， 所以 Iahohoaf賜福 ho 安歇日，設立 伊 做 聖日。
　出20: 12　"'Tioh 孝敬 父母[pexbuo]，ho 你 ee 日子 ti Iahohoaf，你 ee 上帝 所賞賜 你 ee 地上，得著 久長。
　出20: 13　"'Mxthafng 害死 人。
　出20: 14　"'Mxthafng 行 螻][kviaa kan'iim]。
　出20: 15　"'Mxthafng 偷竊[thautheh]。
　出20: 16　"'Mxthafng 作 假 ee 見證 來 陷害 人。
　出20: 17　"'Mxthafng 貪 你 ee 厝邊 ee 厝；　也 mxthafng 貪 你 ee 厝邊 ee bor、奴僕 女婢、牛、驢， 以及 你 ee 厝邊 一切 所有^ee。'"
　出20: 18　眾百姓 看見 雷鳴、閃電、 哨角 ee 聲、koq 山頂 出煙，就 lorng gviauqgviauq'zhoaq，遠遠 khia^teq，
　出20: 19　Yn 對 Mosef講：　"求 你 kab 阮 講話，阮 boeq 聽；
mxthafng 請上帝 kab 阮 講話， 驚了 阮 oe 死。"
　出20: 20　Mosef對 百姓 講："Mxbiern 驚； 因為 上帝 降臨 是 boeq 試驗[chiegiam] 恁，koq boeq ho 恁 時常 敬畏 Y，免得[biefntid] 恁 犯罪。"
　出20: 21　Zu afnny，百姓 遠遠 khia^teq；　Mosef就 行近
[kviakun] 密雲，kaux 上帝 ee 所在。
　出20: 22　Iahohoaf對Mosef 講："你 tioh 向Ysekliet-人 afnny 講：　'恁 家己 看見 Goar tuy 天頂 kab 恁 講話。
　出20: 23　"'恁 mxthafng 作 別個 神明 ee 偶像 來 kab Goar 匹配， mxthafng 為 家己 作 金銀 ee 偶像。
　出20: 24　"'你 tioh ka Goar 起 土壇， ti hit'頂面 獻 你 ee 牛羊 做 燒祭 kab 平安祭。　凡是 記念 Goar ee 名 ee 所在，Goar 的確 boeq 去 你-hiaf， ka 你 賜福。
　出20: 25　"'你 na eng 石頭 ka Goar 起 一座 壇，就 mxthafng eng 經過 鑿孔[zhagkhafng] ee 石頭，因為 你ti 頂頭 動過 家私[kesy]，就 ka 壇 phaq lasaam。
　出20: 26　"'你 boeq 上起去 Goar ee 壇， mxthafng 用 階崎仔
[kay-kiaxar]，免得 露出 你 ee 下身[exsyn]。'"　

　　　　　　　　　　　　　　　　　　　　　　　　--=♂=回 頁 首 --- 　　　　　　　　�

　　　●　繼 續 到 第 二十一 章

　....
 

....