U cidee longhw phoarpvi cviaa-siongtiong, ciu kiox y ee
kviafjii laai y ee binzhngg-pvy, hoanhux yn korng, "Ti larn ee
phutoo-hngg u cviazoe pofpoex taai⁺teq. Lirn tioh hofhor khix
zhoe." Y korng ciah'ee oe liawau ciu koeasyn.

Hit'nngxee hviati ciu khaisie ti yn ee phutoo-hngg kudthoo,
aeboeq zhoextioh pofpoex. Yn ti hiahniq'khoaq ee phutoo-hngg, cid'sofzai-cid'sofzai un'ar kut. Afnny, lofngzorng kudliao, pexngboo zhoextioh symmih'pofpoex. Yn ciu koq khaisie zuxthaau laai kut, ka y kut khaq-chym.
 

Tngf yn kut toexji-pae ee sizun, yn ciu hoatkiexn sofu ee
phutoo-chiu lorng svy pie khahzar khaq-suie, khaq-zoe ee phutoo. Yn khvoarzhud zef si in'ui thoo u kudsafng ee kietkor.
 

Afnny, yn ciu korng, "Zef ciuxsi apaf sor korng ee pofpoex ! " Kiarm mxbad thviakvix laang teq korng,

Zhutlat zorkafng, porsviuo u wntaxng.