Soax^laai, toexji-kviar siapsiap'ar korng:
"Papaf cviuxthvy.
Goar ciu boea cidniar zhawchioq ka lie khurn^khylaai, goar kaki ka lie
phvai leq, kaux svoaterng
or cid'ee khut'ar, taai^khylaai, ia thafng cviazox
puiliau."
"Haix! thaix-boo
kengzex^aq. Lie tioh zay, cidniar zhawchioh tioh khay
joaxzoe
cvii^aq."
Zoea'au lunkaux
boef'ar-kviar. Y toaxtvar
korng: "Papaf na sie, goar to laai thaai. Baq thafng boe, ar
tng'ar-tngto ma thafng zox piexnzhaix."
"Tioh^aq.
Cinbiau, cinbiau. Zef ciaq u hah goar ee ix. Cviax
si 'leeng svy leeng' ,
'hor svy
pax'." Lauxpe khiauhkhie toaxbuo-zvae
tidtit ka y olor.
Bokuo, lau'ofng
pvi zoarn siongtiong, kaux ti limciofng ee
sii to liam cidsiuo sy tngzox y ee uiciog. Korng: "Svakviar
siang-lixhai, Pa'ar sie liaqkhix thaai, Baq to boex-laai hoad toaxzaai,
Tngg-to thafng khix zox piexnzhaix."
Y liaxmsoax,
ciu tngxkhuix. Mxkuo boo cidkw'ar koq chvie^khylaai,
hofhor boeq kautai cidkux oe, korng: "Goar hiafmhiarm soax
boekkix-tid kautai. Kehpiaq ee boe-baq ee, sirn'iong bohor.
Na boo hiexnkym, boeq khiarmsiaux to mxbiern laai."
Y ittit
tarn zhuolai ee laang lorng tarmthaau, kofngzhud "Hor!" ciaq parngkheq
bagciw, ansym tngxkhuix, lixkhuy jinsex. |
