| Ciah Hongbi
-- Tviw Akhay . Ciongcieen u cidtuix zhenglieen-huhu, kiet'hwn boeq pvoarnii, kafmzeeng cviahor. U-cid'axm, tioxnghw zhutkhix boea cidboea oaqhii, theh tngflaai zhux, in'ui citboea hii ee sekti cviaa-sinsiefn, yn nngxlaang ciu zhamsioong ka hef he tiaxm kof^nih, kef kiamzhaix lai tun. Yn sviu hit'ee zubi itteng si cviahor. Tun^aq-tun, zhaputtof cid'tiafm'zefng, seklai ykefng axm laq, sviuxkorng, hittiaau hii ykefng tun-sek laq, ciu phaang-zhutlaai boeq ciah. Ciah^aq-ciah, ciaqkaux kiamzhaix lorng boeq boo laq, khiog khvoax-boo hii. Tioxnghw kikoaix ciu mng: "Lie nar kaki ciaq hii, ciah-gaq lofngboo zhwn?" Yn-bor pwnlaai ma teq kikoaix, sviuxkorng hibaq ho tioxnghw ciah^khix laq. Y na bociah, afnny hibaq si zawkhix tof'ui leq. Yi tudjieen thviatioh angsaix afnny mng, ciu kab y zhar^khylaai. Nngx'ee laang lorng boo ciaqtioh hii, afnny hii si zaokhix tof'ui leq? Yn-nngxlaang zorhoea khix zhuo'au ee tupaang, tiarm hoea laai khvoax, hitboea hii kefngjieen ti lopvy ee toecviu. Goanlaai, ciofng hitboea hii hexjip kof^nih, boeq hviaa zuie ee sizun, hii kaki thiaux^zhudlaai laq. Twciaq, yn-ang'ar-bor teq ciah kiamzhaix ee sizun, sviu kof^nih u hii, ciu kafmkag kiamzhaix u hii ee zubi. |
 |
 |