●　回 【ＷＷＷ台語聖經】首 頁　 　●　回 EDUTECH 首 頁

申 　 命 　 記　　 第　26　章

(.第 二十六 章　　信仰 ee 告白

　　(.申26: 1　"你 kaux 上帝 所賞賜 你 做業 ee 地 居住(khiaxkie) ee 時，
　　(申26: 2　"就 tioh 將 hiah'ee tuy 上帝 賜 你 ee 地， 所收 ee 各種 起頭 熟 ee 土產，theh 一寡，he ti 籠仔(lafng'ar)⁺裡，去上帝 所揀選(kefngsoarn) boeq 安置 Y ee 名 ee 聖殿，
　　(申26: 3　"去 求見 hit'當時(tngsii) teq 作 祭司⁺ee，對 伊 講：　'我 今仔日 來 向 上帝講明，我 已經 來到 上帝 對 咱 ee 列祖 立誓 應允 boeq 賞賜 ho 咱 ee 地。'
　　(申26: 4　"祭司 就 tuy 你 ee 手內 接 hit'ee 籠仔，khngx ti 上帝 ee 壇前。
　　(申26: 5　"你 tioh ti 上帝 ee 面前 講： 　'我 ee 祖，原來 是 一個 tehboeq 死亡 ee Alaan-人，落去 kaux Aikip寄腳(kiarkhaf)。　伊 ee 人額 少， 卻 ti hiaf 成做 一個 大 koq 強、人數 很多(cviazoe)ee 百姓。
　　(申26: 6　"'Aikip-人 歹款待( phvae-khoafnthai) 阮，苦害 阮，將 苦工 加 ti 阮 ee 身上。
　　(申26: 7　"'Zu afnny 阮 哀求 阮-列祖 ee 上帝， Y 聽見 阮 ee 聲音，看見 阮 所受 ee 困苦、勞碌(lolok)、kab 所受 ee 欺壓(khi'ab)，　
　　(申26: 8　"'Y 就 eng 大權能 ee 手 kab 伸出 ee 手骨，以及 大大 可驚(thangkviaf)ee 事 kab 神蹟-奇事，zhoa 阮 出 Aikip，
　　(申26: 9　"'將 阮 zhoa-入 cit'ee 所在，將 cit'ee teq 流出 奶 kab 蜜 ee 地 賞賜 ho 阮。
　　(申26: 10　"'上帝⁺aq ! 　Tvaf 我 將 hiah'eeti Lie 所賜 ho 我 ee 地-hiaf 起頭熟 ee 土產 帶⁺來 laq。'　然後 你 tioh ka 籠仔 khngx ti 上帝 ee 面前 敬拜 Y。
　　(申26: 11　"你 kab Lixbi-人， 以及 ti 恁-中間 ee 出外人， tioh 因為上帝 所賜 ho 你 kab 你-厝內 ee 一切 福分 來 歡樂。
　　　　　　　　　　　　　　　　 　　　　　　　　　　　　　　--=♂=回 頁 首 ---
　　(申26: 12　"每次(muypae) kaux 第三年，就是 十份取一 ee 年，你 tioh 抽 一切 土產 ee 十分之一，分 ho Lixbi-人 kab 出外人， 以及孤兒-寡婦，ho yn ti 你 ee 城內 thafng 吃-gaq 飽。
　　(申26: 13　"你 koq tioh ti 上帝 面前 講： '我 已經 tuy 我 ee 厝內 theh-出 聖 ee 禮物 ho Lixbi-人 kab 出外人， 以及孤兒-寡婦；　zef 是 照 Lie ee 誡命⁺ee。　Lie ee 誡命，我 lorng 無違背，也 無 boe記⁺得。
　　(申26: 14　"'Ciah'ee 聖 ee 禮物，我 ti 守喪(ciwsofng) ee 時陣 排⁺過，無 ka 伊吃；無清氣 ee 時陣，也 無 theh⁺出來， koq 無 ti 死人 ee 祭桌(zeatoq)。　我 遵趁( zunthaxn) 上帝 ee 話，lorng 照 Lie 所命令⁺ee 去 行。　
　　(申26: 15　"'求 Lie tuy 天頂、Lie ee 聖所 俯落(varloh) 來 看，賜福 ho Lie ee 百姓 Ysekliet，也 賜福 ho 你 所賜 阮 ee 地，就是 Lie 對 阮 ee 列祖 立誓 賜 ho 阮 teq 流出 奶 kab 蜜 ee 地。 　　　　　　　　　　　　　　--=♂=回 頁 首 ---
　　(申26: 16　"今仔日 你 ee 上帝 命令你 tioh 行 ciah'ee 律例 kab 法度，所以 你 tioh 盡心盡性 執守 來 行。
　　(申26: 17　"你 今仔日 承認 主 做 你 ee 上帝，應允 boeq 照 Y ee 道理 來 行，執守 Y ee 律例、誡命、法度，koq 遵趁 Y ee 話。
　　(申26: 18　"今仔日 上帝 也 boeq 照 Y 所應允 你⁺ee，來 認 你 做 Y 家己 特別 ee 百姓， ho 你 執守 Y ee 一切 誡命，
　　(申26: 19　"koq 照 Y 所應允⁺ee，ho 你 ti 榮光、名聲 kab 尊貴，lorng 超過 Y 所創造 ee 萬國 ee 百姓，ho 你 歸 ti Y，成做 聖潔 ee 百姓。 "
　　　　　　　　　　　　　　　　 　　　　　　　　　　　　　　--=♂=回 頁 首 ---

　　　　　　　　　　　　　　　　 　　　　　　　　　　　　　　--=♂=回 頁 首 ---
申 　 命 　 記　　 第　28　章

(.第 二十八 章　　神 ee 祝福 kab 咒詛

　　(申28: 1　"你 na 致意 遵趁 上帝 ee 話，守 Y一切 ee 誡命 來 行 伊，就是 我 今仔日 所命令 你⁺ee，Y 的確 oe ho 你 超越(chiau'oat) 天下 萬國。　
　　(申28: 2　"你 na 致意遵趁 上帝 ee 話， 就 ciah'ee 一切ee 祝福 的確 oe 臨到(limkaux)ti 你，來 實現 ti 你 ee 身上(sinsiong)：
　　(申28: 3　"你 ti 城內 的確 oe 得著 福氣， ti 田⁺裡 也 boeq 得著 福氣。
　　(申28: 4　"你 ee 身軀(sengkhw) 所生⁺ee，你 ee 土地 所出⁺ ee， 以及 牲生 所生 ee 牛仔-kviar、羊仔-kviar， lorng boeq 得著 福氣。
　　(申28: 5　"你 ee 籠仔(lafng'ar) kab 你摶麵(chiaumi)ee 盆 lorng boeq 得著 福氣。
　　(申28: 6　"你 出外 也 得著 福氣，入內 也 得著 福氣。
　　(申28: 7　"對敵 na 起來 攻擊 你，主 boeq ho yn ti 你 ee 面前 殺輸(thaisw)；yn tuy 一條路 來 攻擊 你， boeq tuy 七條路 逃走(tozao)。
　　(申28: 8　"Ti 你 ee 粟倉(zhekzhngf)內， 以及 你 ee 手 所做 ee 一切 事 ee 頂面，主所命令 ee 福氣 的確 boeq 臨到 ti 你。　主，你 ee 上帝 也 boeq ti 所賞賜你 ee 地 ，賜福 ho 你。
　　(申28: 9　"你 na 執守上帝 ee 誡命，行 Y ee 道理， Y 就 的確 oe 照著 對 你 所立 ee 誓言 來 設立你 成做 家己 ee 聖 ee 百姓。
　　(申28: 10　"天下 萬民 看著 你 歸 ti 主 ee 名下(mia'e)，就 boeq 驚畏(kvia'uix) 你。
　　(申28: 11　"你 ti 上帝 對 你 ee 列祖 立誓 應允 boeq ho 你 ee 地，Y 的確 oe ho 你 本身 所生⁺ee，你 ee 牲生 所生⁺ee，地 所出⁺ee，lorng 充足 有剩(uxzhwn)。
　　(申28: 12　"主 boeq ka 你 開 天頂 ee 寶庫，照時 落雨 ti 你 ee 地上。　Ti 你 手內 所辦 ee 一切 事 ee 頂面，賜福 ho 你。　你 的確 oe 借 ho zoexzoe 國，卻 mxbiern tuy yn 來借。
　　(申28: 13　"你 na 遵趁上帝 ee 誡命，就是 我 今仔日 所命令 你 ee 誡命，
　　(申28: 14　"ka 伊執守 來 行，無 偏左(phienzor) 偏右(phien'iu)，也 無 去 服事 別個 神明，上帝 的確 oe ho 你 做頭 無 做尾，ho 你 tiaxm ti 頂面 無 tiaxm ti 下腳(exkhaf)。 　　　　　　　　　　　　--=♂=回 頁 首 ---　
　　(申28: 15　"你 na m-遵趁上帝 ee 話，m-執守 來 行 Y ee 一切 誡命-律例，就是 我 今仔日 所命令 你 ee ciah'ee，afnny，就 所 講 ee hiah'ee 咒詛(ciuozor) lorng 的確 oe 臨到 ti 你，來 實現 ti 你 ee 身上：　
　　(申28: 16　"你 ti 城內 boeq 受 咒詛， ti 田⁺裡 也 boeq 受 咒詛。
　　(申28: 17　"你ee 籠仔 kab 你 ee 摶麵 ee 盆 lorng boeq 受 咒詛。
　　(申28: 18　"你 ee 身軀 所生⁺ee，地 所出⁺ee，以及 牛仔-kviar、羊仔-kviar，lorng boeq 受 咒詛。
　　(申28: 19　"你 出外 也 受 咒詛，入內 也 受 咒詛。
　　(申28: 20　"你 na 行歹(kviaphvae) 來 棄卻(khiesag) 上帝， 上帝 的確 oe ti 你 ee 手 所辦 ee　一切 事頂，ho 咒詛、擾亂、責罰 lorng 臨到 ti 你，直到你 受 毀滅(huybiet)，真緊 就 ho 你 滅亡。　
　　(申28: 21　"上帝 boeq ho 瘟疫 纏(tvii) ti 你 ee 身上，直到 Y ti 你 入去 承接 來 做業 ee 地 ka 你 滅絕 。
　　(申28: 22　"上帝 boeq eng 肺癆(hieloo)、熱病、炎症、瘧疾(giogzexng)、刀劍、凅乾(kotaf)、朽爛(hiwnoa) 來 攻擊 你；　ciah'ee lorng boeq 追逐(tuijiog) 你，直到 你 滅亡。
　　(申28: 23　"你 頭頂 ee 天 boeq 變成 銅，腳下 ee 地 boeq 變成 鐵。
　　(申28: 24　"上帝 boeq ho hit'ee 降落 ti 你 ee 地上 ee 雨，變成 土粉，tuy 天 臨到 ti 你 ee 身上，直到 你 滅亡。
　　(申28: 25　"上帝 boeq ho 你 敗 ti 對敵 ee 面前，你 tuy 一條路 去 攻擊 yn，就 boeq tuy 七條路 逃走。　你 的確 oe ti 天下 萬國中 ho laang 趕來趕去。
　　(申28: 26　"你 ee 身屍(sinsy)boeq ho 空中 ee 飛鳥( poeciao) kab 地上 ee 走獸 食物(ciaqmih)，也 無人 趕 yn。
　　(申28: 27　"上帝 boeq eng Aikip-人 ee 歹瘡(phvayzhngf)、 痔瘡(tixzhngf)、牛皮癬 kab 爛疥(noaxkoex)　來 攻擊 你，ho 你 boextaxng 醫治。
　　(申28: 28　"上帝 boeq eng 癲狂(tienkoong)、 睛瞑(chvimii)、心驚(simkviaf) 來 攻擊 你。
　　(申28: 29　"你 boeq ti 中午 四界(siekoex) 摸路，好親像 睛瞑⁺ee ti 暗中 teq 摸來 摸去 一樣。　你 所行⁺ee 的確 boe 亨通，時常 遭遇著 欺壓、搶奪，而 無人 來 拯救(cynkiux) 你。 　
　　(申28: 30　"你 所下聘(haxphexng)定著(tviaxtioh) ee bor，別人 就 來 kab yi 同房(tangpaang)；　你 起造 新厝， 卻 boextaxng 住(toax) ti hit'內面；　你 栽種( zaizexng) 葡萄園，也 boextaxng eng 其中 ee 果子(koefcie) 。
　　(申28: 31　"你 ee 牛 ti 你 ee 目睭前受宰(siu-thaai)，你 boextaxng 吃 伊 ee 肉，你 ee 驢 ti 你 ee 目睭前 ho laang 搶奪，boextaxng 歸還 ho 你； 你 ee 羊 歸 對敵，無人 拯救 你。
　　(申28: 32　"你 ee kviar kab zabor-kviar boeq 歸 作 別國 ee 百姓；　你 ee 目睭 通日 切望，甚至 kaux 失明，你 ee 手 卻 無力 去 拯救。
　　(申28: 33　"你 ee 土產 kab 你 勞碌 得⁺來 ee，boeq ho 你 所 mxbad ee 國民 吃了了(ciah-liawliao)。　你 時常 boeq 受 欺負，受壓制，
　　(申28: 34　"甚至(sixmcix)你 為著 目睭 所看⁺見 ee 事，boeq 致到 起狂(khysiao)。　　　　　　　　　 　　　　　　　　　　　　　--=♂=回 頁 首 ---
　　(申28: 35　"上帝 boeq eng boe 醫⁺得 ee 歹瘡 來 攻擊 你， ti 你 ee 腳頭窩 kab 腳腿， tuy 腳掌(khacviuo) kaux 頭 lorng boeq 生歹瘡 。
　　(申28: 36　"上帝 boeq 將 你 kab 你 所設立 ee 王送你 kab 你 ee 列祖 向來 mxbad ee 國；　ti hiaf 你 boeq 服事 柴 kab 石頭 ee 神明。
　　(申28: 37　"你 ti 上帝 所 boeq ho 你 去 ee 列國中，boeq ho 人 gonggviah, ho 人 當做(tngzox) 笑柄(chiorpvix)， ho 人 譏嗤(kichix)。　
　　(申28: 38　"你 帶到田園 ee 種子 雖然 zoe，所收⁺入來 ee 卻是 真少(cincior)，　因為 lorng ho 草蜢(zhawmeq) 吃了(ciaqliao)⁺去。
　　(申28: 39　"你 栽種 koq 修整 葡萄園，卻 boextaxng 收 葡萄，也 boex-taxng 飲 葡萄酒，因為 ho 蟲 吃了⁺去。
　　(申28: 40　"通境內 你 有 橄欖樹(kvanar-chiu)，卻 boextaxng eng 伊 ee 油 來 抹 身軀，因為 樹頂 ee 橄欖 iawboe 熟 就 lag⁺落來。
　　(申28: 41　"你 boeq 生 kviar、生 zabor-kviar，卻 boextaxng 算做 是 你⁺ee，因為 yn boeq ho 人 擄⁺去(liah⁺khix)。
　　(申28: 42　"你 所有 ee 樹木 kab 你-地⁺裡 ee 產物 boeq ho 草蜢 吃⁺去。
　　(申28: 43　"Ti 你-中間 ee 出外人， 的確 oe nar-升 nar-高，而 你 boeq nar-降(kaxng) nar-低。　
　　(申28: 44　"伊 boeq 借 ho 你，你 卻 boextaxng 借 ho 伊； 伊 boeq 做頭，你 boeq 做尾。
　　(申28: 45　"Ciah'ee 咒詛 lorng boeq 隨著(toeatioh) 你，臨到 ti 你，直到 你 滅亡；因為 你 m-聽你 ee 上帝 ee 話，m-執守 Y 所命令 ee 誡命 kab 律例。
　　(申28: 46　"Ciah'ee 咒詛 boeq ti 你 kab 你 ee 後裔(hoxex)ee 身上 成做 神蹟-奇事，直到永遠！
　　(申28: 47　"因為 當 你 富有(puo'u) ee 時陣，無 eng 歡喜 ee 心 快樂 ee 意思 去 服事 上帝 ，
　　(申28: 48　"所以 你 boeq ti 飢餓(iaugo)、嘴乾(zhuietaf)、褪裼(thngrtheq)、缺乏(khoat'hoat)ee 中間 去 服事 上帝所差來 攻擊 你 ee 對敵。　伊 的確 oe 將 鐵軛(thihtvaf) 加 ti 你 ee 頷頸(axmkurn)頂，直到 將 你 滅絕。
　　　　　　　　　　　　　　　　 　　　　　　　　　　　　　--=♂=回 頁 首 ---　
　　(申28: 49　"上帝 boeq tuy 遠遠、 tuy 地極 zhoa 一個 國，nar 鷹 飛來 攻擊 你。 　Hit'ee 國 ee 話、你 boexhiao 聽。
　　(申28: 50　"Hit'ee 國 ee 人，面貌 凶惡，boboeq 體貼 老人，也 boboeq 憐憫 gyn'ar。
　　(申28: 51　"Yn boeq 吃 你ee 牲生(zengsvy) 所生⁺ee kab 你 ee 土地 所出⁺ee，直到 你 滅亡。　你 ee 五穀、新酒， kab 油，以及 牛仔-kviar、羊仔-kviar，lorng boboeq ka 你 留⁺teq，直到將 你 滅絕。
　　(申28: 52　"Yn boeq 將 你 圍困(uikhuxn) ti 你 ee 各個(tag'ee) 高糷滿A直到 你 所倚靠( oafkhox)、 高 koq 堅固 ee 城牆 lorng 倒壞(tofhoain)。　Yn boeq 將 你 圍困 ti 上帝 所賜 你 ee 全地 ee 各城內。
　　(申28: 53　"你 ti 對敵 圍困 ee 窘迫(khwnpeg)-困苦 ee 中間，soax tioh 吃 你 本身 所 生⁺ee，就是上帝 所賜 ho 你 ee kviar kab zabor-kviar ee 肉。
　　(申28: 54　"恁-中間，原來 好命 生長 ee 人， boeq eng 歹目 giin 伊 ee 兄弟 kab 伊 所疼 ee bor，以及 伊 所剩(zhwn) ee 子兒(kviafjii)；
　　(申28: 55　"甚至 ti 你 受 對敵 圍困 ee 窘迫 ee 城內， 伊 tioh 吃 子兒 ee 肉 ee 時，boboeq 分 一點仔 ho 伊 ee 親人(chinlaang)，因為 所剩 無多(bozoe)。　
　　(申28: 56　"恁-中間，原來 好命 生長 ee 婦人-laang，平素 m-敢褪赤腳(thngrchiahkhaf) 來 踏地⁺ee，boeq eng 歹目 giinyi 所疼 ee 丈夫 kab yi ee kviar kab zabor-kviar。
　　(申28: 57　"Tuy yi ee 兩腿-中間 出⁺來 ee 嬰仔 kab yi 所生 hiah'ee kviar，因為 yi 欠缺(khiarmkhoeq) 一切，就 ti 你 受 對敵 圍困 窘迫 ee 城內 boeq 暗暗仔 吃 yn。
　　(申28: 58　"Na 你 無 執守 來 行 cit'本 冊⁺裡 所寫 ee 律法，無 敬畏 hit'位有榮光 thafng 驚畏(kvia'uix) ee 名，就是 主，你 ee 上帝 ， 　
　　(申28: 59　"Y 就 的確 oe 將 奇怪 ee 災禍(zai'e)，就是 極大 極久 ee 災禍，極重 極久 ee 病，加 ti 你 kab 你 ee 後裔 ee 身上，
　　(申28: 60　"也 boeq ho 你 所驚、Aikip-人 ee 病、 lorng 臨到 ti 你，纏(tvii)ti 你 ee 身上， 　
　　(申28: 61　"koq boeq 將 無寫 ti cit'本 律法書⁺裡 ee 各樣 病症 kab 災禍 降 ti 你 ee 身上，直到 你 滅亡。
　　(申28: 62　"恁 先前 雖然 親像 天頂 ee 星 hiahniq'多(zoe)，卻 因為 m-聽 上帝 ee 話，所剩 ee 人 就 boeq 成做 很少。
　　(申28: 63　"先前上帝歡喜 看 恁 有快樂 興旺，ho 恁 ee 人數 加添，tvaf 卻 boeq 照樣 看 毀滅 恁， ho 恁 滅亡 做 喜悅；　恁 boeq tuy hit'ee 入去 得⁺來 ee 地 受 拔(puih)⁺起來。　
　　(申28: 64　"上帝的確 oe ka 恁 分散 ti 萬國中， tuy 地 ee cit'旁(peeng) kaux 地 ee hit'旁，ho 你 ti hiaf 服事 你 kab 你 ee 列祖 向來 mxbad ee 柴 kab 石頭 ee 神明。
　　(申28: 65　"Ti hiah'ee 國⁺裡，你 的確 boextaxng 安逸(an'ek)，也 boextaxng 有 停腳 ee 地；　上帝卻 ho 你 ti hiaf 心內 phogphog'zherng，目睭 失明，精神 衰敗。
　　(申28: 66　"你 ee 性命 boeq 無定著(tviaxtioh)；　你 暝日(mijit) 驚惶(kviahviaa) 自料 性命 難保。
　　(申28: 67　"你 因為 心內 所驚惶⁺ee，目睭內 所看⁺見 ee，ti 早起時 boeq 求講， 'Tioh 緊(kirn) kaux 晚時！' 　而 ti 晚時 就 boeq 求講， 'Tioh 緊 kaux 天光！'
　　(申28: 68　"上帝的確 oe ho 你 坐船 tngr-去Aikip，行 我 bad ka 你 講，boextaxng 復再 見 ee hit'條 路；　ti hiaf 你 boeq 賣 家己 ee 身軀 ho 對敵 做 奴僕，女婢，卻 無人 boeq 買。"
　　　　　　　　　　　　　　　　 　　　　　　　　　　　　　　--=♂=回 頁 首 ---