| 李筱峰
教授 著: 台灣史
(13) 蔣政權來台 一魚多吃的土改; 蔣政權敗退來台 |
| 台語文 (MLT/TMSS) | 原 文 |
zerngkoaan ti Taixliok-siong biexnliim Kioxngsarn-kekbeng, ciu khaisie tiefnhien kunsu ee toa-gegzoarn. Tiongkiong eng "Thoftoe-Kaykeg-Ciar" ee zuthaix viatid kofngtai ee longbiin ee cichii. Kokbiin-Torng-zernghuo ykefng tuy Lamkviaf thietsiuo, chiefn-kaux Kngfciw. Ti afnny cietcied paixthoex ee zengheeng-ha, Taioaan ciu cviazox yn khofleeng tehboeq thoeasiuo ee bogtegtoe. Afnny, |
 |
| yn na boo ti Taioaan zekkeg cirnheeng thoftoe-kaykeg
laai zengzhuo longbiin ee cichii, khiofngphvax ti jinsym hiorngpoe-ha
boo-paxnhoad
tefkhoxng Tiongkiong ee soanthoaan-kongsex. Kunkux cit'ee sviuxhoad, Taioaan ee thoftoe-kaykeg ti 1949-nii-zhof, tngf Taan Seeng keaseeng-tioh Gui Toxbeeng ciapciarng Taioaan-Sefngzexng y'au ciu cviazox ozox-boexsaix ee taixcix laq. Thoftoe-kaykeg hunzox 3- kaitvoa laai cirnheeng. 1949-nii 4-goeh kaux 7-goeh, thuiheeng 375(safm-chid-gvor)- kiafmzof. Kohlaai si ti 1951-nii sor-sidsy ee thoftoe- horngniar. Zoea'au si 1953-nii sor-sidsy ee "Khefng+ciar iuo ki-tieen". Kokbiin-Torng- zernghuo kaki khoa'iau-korng citpae ee thoftoe kaykeg si sengkofng ee; korng, hef ykefng ka cviazoe tiexnloong kiafmkhyn thofngkhor, laai hoaxnhoo siaxhoe ee aplek; ia tuix Taioaan jid'au ee kangsiofng-hoattiern u panzo, in'ui koeakhix ee thoftoe-zupurn ciu afnny zoafn'voa-zox kangsiofng- zupurn. Koq korng, ti cit'ee thoftoe-kaykeg-tiofng swnsid thoftoe ee toexzuo tiongkafn, u boexcior ee laang tittioh zernghuo ee 4-tai-kok'eeng- suxgiap ee kofphiox, ciu sengkofng zoafnpiexn-zox khygiap-kaf; ciah'ee laang u chinchviu Liim Peksiu, Kox Cirnhuo terng ee laang. Ui-symmih Kokbiin-Torng ee Thoftoe-kaykeg ti Taixliok-siong boo-paxnhoad sengkofng, khioksi laikaux Taioaan ciu thuitong oe- khylaai ee leq? Ly'iuu tongjieen cviazoe. Mxkuo, kitiofng ee cid'ee tioxng'iaux |
ee insox si in'ui Kokbiin-Torng ti Taixliok ee sizun, thofngti-kaikib kab toexzuo-kaikib si tengthah ee. Kaki boeq kaykeg kaki laai swnsid cviazoe kie'teg-lix'eg, nar u hiah'iong'vi leq? Ti Taioaan, cviazox thofngti-kaikib ee Kokbiin-Torng si goaxlaai ee, ar toexzuo-kaikib si pwntoe ee. Afnny, kaykeg^khylaai tongjieen ciu thafng teksym-erngchiuo. Iukii tngsii ciafng'ag-tioh kwn-zexng-taixkoaan ee Serng-Zwsek Taan |
| Seeng boeq thuitong 375-
kiafmzof-zerngzheg ee sii, siefn tiaucip toexhngf-siwtviuo kab susiin, kongkhay korng: "375-Kiafmzof-Kangzog itteng tioh khaksit siheeng; goar siongsixn, khurnlaan si u ee; thiauphii-toftan ar boe- kiernsiaux ee laang boo-tekkhag ma u; taxnsi goar siongsixn, bo'aix mia ee laang engkay boe-u laq." Taan Seeng ka oe korng-gaq ciahniq'loxkud, toexzuo nar kvar boboeq "chimbeeng-taixgi" ar boboeq kvoafkirn khix kab tiexnloong chiam'iog ee leq? Thoftoe-kaykeg mxna ho Kokbiin-Torng ti longzhwn tittioh hor-miasviaf, ar ti kengzex-hoattiern-siong u zox'eg, koq ti zerngti-siong ho yn tittioh iwli ee thofngti. Zef si in'ui citpae ee thoftoe-kaykeg ti zerngti-siong hoat'huy-tioh lexnggoa cidhang ee haux'iong. Thoftoe-kaykeg yzeeng, Taioaan hiongzhwn ee zerngti-koanlek kab siaxhoe-lefngto toa-poxhun lorng zhauchioxng ti siofsox ee hiongsiin-toexzuo ee chiwlai, yn lorng si khox toexzof teq seng'oah ee toexzuo-kaikib. Yn ee tegsuu toex'ui kab koanlek ee goanzvoaa ia si zaixti thoftoe, it'hioxng zuxjieen ciu cviazox toexhngf ee lefngsiux. Kengkoex thoftoe-kaykeg laai ho toexzuo sitkhix koanlek ee kizhor, afnny thoealaai Taioaan ee Kokbiin-Torng-zerngkoaan buheeng-tiofng ciu kiafmcior hoafntuix-sealek ee ciarmzai- laigoaan, ciu ho efnghiorng-tioh toexhngf-zerngti ee koanlek- kietkox zuxjieen phoarbiet. Zef si keasiok-tioh u-kea'oeh khix siaubiet Taioaan siaxhoe- zeng'efng ee 228-suxkvia y'au eng bokaang hengseg ee zerngti- kangtheeng, thafng ti buheeng- tiong ka Taioaan-binkafn ee zocid-toxng'oaan ee legliong kaythea. |
siaxhoe kohkhaq toa ee aplek. Ciongciexn ee khythaau, Taioaan ee jinkhao ciaq u 600-goa-ban-laang, mxkuo ti 1946-nii kaux 1952-nii ee 7-nii-kafn Taioaan zexngkaf zhaputtof 200-ban-laang. Kitiofng kantvaf 1949-nii kaux 1950-nii ee toa-toboong ciu u 100-ban ee kunbiin cixn+laai. Jinkhao toaxpag sengtiorng ee 1948-49-nii ia si Taioaan ee thonghoex-phengtioxng zoex-giamtiong ee sikii. |
| Zaix+ciar, ti toea-kikafn
soafjip Taioaan ee Taixliok-
laang giafmjieen cviazox cidtoa-zogkuun. Hitsii, Kokbiin-Torng-zernghuo ee kok'kikoafn ee iaocid, si eng Taixliok-laang zox zwto, yn ciu laai ciarmkux tioxng'iaux ee cit'ui. Koq u koarnkhw-koarnzhwn terng ee zogkuun kehli-zerngzheg, ciu ho 228-suxkvia ylaai oo-paxnhoad cidsii to mipor ee ogkuun-kafn ee mauturn, ciu iensiok cid'ee siongtofng tngg ee sikafn, ar cviaphvae taxmhoax. Tuliao jinkhao ee aplek kab zogkuun-buxntoee ygoa, Cviuo- zerngkoaan thoeajip Taioaan sor-safnsefng ee kietkox-sexng ee efnghiorng, engkay tioh korng si zerngti-serngcid ee kaypiexn. Kisit, Kokbiin-Torng- zerngkoaan paixthoex laai Taioaan ee sii, hit'ee ti 1912-nii sor-kiernlip ee Tionghoaa-Binkog ykefng to kietsog laq.Liuboong laikaux Taioaan ee Cviuo-zerngkoaan, suijieen ti Taioaan iao koartioh Tionghoaa-Binkog ee miaho, taxnsi yi ee sidcid-laix'ioong ykefng bokaang laq. 1912-nii khaikog ee sii ee Tionghoaa-Binkog, yi ee thoftoe si cid'ee sof'ui ee "chiw-haytoong", ar boo paukoad Taioaan. Mxkuo 1949-nii-y'au teq koarmiaa korng "Tionghoaa-Binkog" ee, yi ee thofngti-hoaxn'uii khioksi cy'u Taioaan,ar sitkhix "chiw-haytoong". |
 |
| Kok'ho suijieen siosiang, cit'
nngx'ee ee kokthor-hoaxn'uii khioksi bokaang. 1912-nii sor-kiernlip ee Tionghoaa-Binkog, yi goansiefn ee ciafnkoaan-ciar (Cviuo Kaysek ee zerngti cibthoaan) theqtioh goanlaai ee "Tionghoaa-Binkog" ee miaho, ti 1949-nii liuboong-kaux goanpurn boo-zhamkaf yn ee kiernkog ee Taioaan, keasiok ichii yn ee zerngkoaan. Goansiefn teq taixpiao hit'ee boo-paukoad Taioaan ee "chiw-haytoong" ee "kokkii", ti 1949-nii ciu theqkaux goansien boo-zunzai ti y sor-taixpiao ee hoaxn'uii-lai ee Taioaan laai koax. Iukii si hit'ee si boo kengkoex binzuo-hoatteng ee thengsu ar iuu yn-cid'ee Torng kaki zeateng laai eng ee, Torng-Kog put'hwn ee "chvithvy-peqjit-moaftoe-aang" ee ki'ar. Yn zhuo yn-Kokbiin-Torng ee Torng-koaf laai cyteng ee "Kokkoaf" ia si afnny. Korng-kaux ti chiw-hytoong"^nih kea'oeh ar zoanbuun uixtioh "chiw-haytoong" laai sietkex ee "Tionghoaa-Binkog Hiernhoad", ciu theqlaai goanpurn boo-zhamkaf yn ee kea'oeh ee Taioaan hogsai. Uxlaang korng, Taioaan ti 1945-nii 10-goeh 25-jit kaux 1949-nii ee nitoea tiongkafn,ciu labjip Tionghoaa-Binkog ee hoaxn'uii-lai. Mxkuo cit'ee kikafn ee Taioaan khansiap-tioh toex'ui- bixteng ee buxntoee. Larn boexsae kantvaf eng goaxpiao laai sukhor. Bogkoaix, kehnii (1950-nii) ee 3-goeh 13-jit Cviuo Kaesek ti Iongbeeng-Safn ee "Hogcid Iefnkarng"-tiofng thafnpeh kofngzhud: "Larn ee ionghoaa- |
Binkog, kaux kuxnii-boea ciu toeatioh Taixliok ee lunham laai biedboong laq. Larn kin'afjit lorng si bongkog ee jinbiin.... " Taioaan ee kokkaf hengthaix, zu 1949-nii-toea y'au, kerngjieen zhut'hien-tioh citkhoarn ti seakaix hafnkiexn ee khoafnsid. Yi ee kokkii, kokkoaf, hiernhoad lorng si iuu goaxbin cid'ee ykefng kietsog-liao ee kokkaf toax+jiblaai ee. |