History of Taiwan (11) 第二次大戰

[連載史話]

李筱峰教授著: 台灣史
(11)第二次大戰
戰火下被迫當皇民; 新總督府; 接收成劫收

●● 回目錄

台語文 (MLT/TMSS)

原文

(

Ciernhoea-Ha Pixpeg Tngf
Hongbiin

   1937-nii, Tiong'Jit-Ciernzefng poghoad.   Citsii, Jidpurn ti Taioaan thuitong "Hongbiin-hoax
Uxntong", sviuxboeq ka Taioaan-
laang kaypiexn-zox Jidpurn ee 'Hongbiin'.
    1941-nii 4-goeh, "Hongbiin Hoxngkofng-Hoe" senglip, si
boeq kab ciernsii ee hengzexng phoeahap ee.   Hitsii zoan'Taai
600-ban bincioxng lorng si yi ee
hoex'oaan.   Taioaan kok'
toexhngf-siong, uxcvii u-sviabong ee susiin kab tieseg-hunzuo, mxkoarn si simkafm-zenggoan iar mxsi, lorng siu-baxngloo-jibkhix cviazox yi ee karnpo.
    Ti hongbiin-hoax uxntong-
tiofng Taioaan ee pwnthor-
bunhoax zoxsiu kisi, zongkaux-
sirn'giorng ia siuxtioh apzex.
Kok'katefng lorng tioh hogsai "Thienciaux-Taixsiin",   Ti
siofhak⁺nih ia toaxtoa thuiheeng
hongbiin-hoax-kaoiok; zuotiong sof'ui ee "hongto (hongbiin-
toxteg) ee siulien", kuiteng muygoeh ee zhoe-1, zhoe-8 kab 15-jit, zoanhau lorng tioh zwnsii zhampaix sinsia, koq ti muyjit ee svi'oah-kuihoan-tiofng ma iaokiuu hagtoong kaux-haghau-au tioh tuix Thienhoong ee siong kvialea.    Tagjit ee zafhoe, tioh ciong Jidpurn-kokkii sengkii, jien'au iaupaix Hongtex ee hongkiofng kab Hongtai-Sinkiofng.   Yn mxzurn hagtoong korng kaki ee bofguo, itlut tioh eng Kokguo (Jidguo) laai kofng'oe.
    Ti itpvoaf-siaxhoe-siong, ia ciofngle korng Kokguo (Jidguo), koq kofle kae-sviemiaa.
    1941-nii, Thaepeng'viuu-
Ciernzefng poghoad y'au, Jidpurn

ciu khaisie ti Taioaan sidsy boxpefng-zex; ar jien'au ciu kayzox tengpefng-zex. Afnny, ciu tiefnkhuy-liao Taioaan-laang ee pizharm ee ciernzefng-miax'un. Hitsii, khix tngf Jidpurn-pefng ee Taioaan-laang u 8-ban-goa-laang.
Ar siu-tiaux khix zox "kunsiok (liog'haykwn ee bunkvoaf kab kor'oaan)" ykip kunhw ee, kohkhaq zoe, u 12-ban-6-zhefng-

7-paq-goa-laang.   Lexnggoa, zaixhak-tiofng ee zhenglieen-
hagsefng lorng tioh zhamkaf "hagtoo-pefng".   Taioaan-laang thoex Jidpurn khix phah sof'ui
ee "Tai-Tong'Af Serngciexn" laai ciernsie ee kunjiin kab kunsiok, zofngkex u 3-ban-goa-
laang. Lexnggoa ti Bengkwn ee khongsip-ha syboong ee Taioaan-
laang lorng boo keasngx zaixlai.
    1943-nii 11-goeh 25-jit y'au,
Taioaan khaisie zoxsiu Bengkwn-huiky ee khongsip.
Iukii ti ciernzefng boeq kietsog-cieen ee cidnii-
tngtiofng, zoantor kokkog ee toa-chixtixn lorng siuxtioh Bengkwn-huiky ee hongzax.
Afnny, Taioaan-laang toaxtoa siuxtioh ciernhoea ee jiwlin.
    Jidpurn ee Teakog-zwgi-ciar
hoattong chimliok-ciernzefng,
ar Taioaan-jinbiin khiog tioh
sengtvaf yn ee zoex'og laai
siu hongzax. Kohkhaq bunai ee,
si tngf Taioaan khaisie teq siu khongsip ee nngxjit-au (1943-nii 11-goeh 27-jit), Tiofng-Efng-Bie
3-kog ee 3-kuxthaau ti Khailoo
tiaukhuy hoexgi, busi Taioaan-
jinbiin ee zunzai, siexnzu koatteng Taioaan ee cientoo.

Sidbintoe-jinbiin ee pi'ay, ti ciaf thafng khvoax^kvix. (

"Syn-Zofngtog-Huo"

1945-nii 8-goeh 6-jit kab 9-jit,
Bengkwn ee nngxliap goanzuo-
tvoaa hunpiet ti Jidpurn ee Kofngtor kab Tiongkii pogzax.
Cid'lefpaix-au, Jidpurn to soaanpox boo-tiaukvia-hanghok.
Yi si hioxng hitnii 4-goeh sor-senglip ee Lienhap-Kog ee
Bengkwn tauhaang, jien'au ciaq iuu Lienhap-Kog ee Zoeakof-
Thofngsoai MacArther-
Ciongkwn sor-cyphaix ee Tiongkog-Ciernkhw ee
Zoeakof-Thofngsoai Cviuo Kaesek ciapsiu Jidkwn ti Tiongkog-Ciernkhw ee tauhaang.
Taioaan ciu ti citkhoarn ee zenghorng-ha iuu Cviuo Kaesek
phae'oaan ciapkoarn. Sidzex-
siong, hef si cidpae ciaxmsii ee kunsu-ciarmlerng, taxnsi tngsii taixkef lorng zoanboo-hoaigii kiox y zox "Taioaan-Konghok".
"Taioaan-Konghok" citkvia su,

suijieen ti thengsu-siong boo kengkoex Taioaan-zuxbiin ee tong'ix, taxnsi ciu sidzex ee binzeeng laai khvoax, tngsii ee itpvoaf-Taioaan-laang toa-tosox
lorng phoxtioh hoangeeng ee thaeto.   Yn eng Taixliok-siong
koktoe sor-boo ee jiedzeeng laai hoangeeng laizu Taixliok ee Kokbiin-zernghuo.
Ciapsiw' cviaa kiapsiw
    Cixnkoarn Taioaan-jinbiin hoanthiefn-hyte laai gviaciq "Konghok", hoangeeng sinlaai ee 'zofkog', mxkuo sinlaai ee Kokbiin-zernghuo khiog eng
'zenghok-ciar' ee zuthaix laai tuiethai Taioaan-laang.
    Siwsiefn, Kokbiin-zernghuo ti Taioaan sietlip cid'ee kab Tiongkog-Taixliok-kok'Serng bokaang ee zeato, kiorzox "Taioaan-Serng Hengzexng-
Tiofngkvoaf-Kongsuo", laai tngzox thofngti Taioaan ee zorng-kikoafn.   Cit'ee kikoafn
iong'iuo hengzexng, libhoad, suhoad kab kunsu kok'hang ee toaxkoaan.   Zef kvafnar chinchviu Jidpurn thofngti-ha ee Zofngtog-huo, si boeq laai iensiok Jidpurn-sitai ee sidbiin-thefzex ee.
     Zu-afnny, cviazoe moafhoaai kithai kab lysiorng ee Taioaan tieseg-hunzuo khvoartioh citciorng thefzex ee zhut'hien, ciu lorng viaa-
sitbang, ar ciu hielang y laai kiorzox 'Syn-Zofngtog-Huo', ar kiox hit'ee tamjim Taioaan Hengzexng-Tiofngkvoaf koq kiamjim Taioaan kefngpi-Zorng-Suleng ee Taan Gii zox "Syn-Zofngtog".
   Ciern'au, Taioaan ee zerngti, kengzex, siaxhoe terng ee kok'hang zugoaan, lorng ti cit'ee Syn-Zofngtog-Huo ee thefzex-ha, siuxtioh lofngtoan, ar ui cidnii-siekorgoeh-au ee 228-suxkvia tailoh huopid.
    Kokbiin-zernghuo phae'oaan

ciapkoarn Taioaan y'au, siwsiefn ho Taioaan-jinbiin libkheg kafmsiu-tioh ee, si zerngti-siong zoanbin ee lofngtoan. Kokbiin-zernghuo suijieen miagi-siong u ho Taioaan-laang zhamzexng ee kihoe, khiog ti suxsit-siong eng "Taioaan boo zerngti-jinzaai" zox ciarkhao ia koq cixn-cidpo eng "Taioaan-laang boexhiao kokguo" ee ly'iuu ka cviazoe siuxkoex hor ee kaoiok ee Taioaan-laang paitheg ti tiong'koankib-cit'ui ee goaxbin, sof'ie ti ciern'au ee Taioaan, tioxng'iaux ee cit'ui zhaputtof lorng ho Taixliok laai ee

jinsu sor-lofngtoan.    Ti
Taioaan-Serng Hengzexng-
Tiofngkvoaf-Kongsuo ee 21-ee kokib-jin'oaan-tiofng, ciaq u cid'ee Taioaan-zek ee jinsu.
Y si Kaoiok-Zhux ee Zw Huyjuu Hux-Zhuotviuo; khioksi cviaa-
khofsioq, y ti 228-Suxkvia-
tiofng siu-sat'hai.
   Koq, ti Tiofngkvoaf-
Kongsuo ee 316-ee tiongzaan-jin'oaan-
tiofng Tai'zek-jinsu cy'u 17-ee;
ki'uu 299-ee lorng si Taixliok-
laai ee. Ti ciaf thafng khvoax,
ti ciern'au Taixliok-jinsu ciu
zhuotai-liao Jit-ti sitai ti Taioaan ee Jidpurn-laang ee thofngti-toex'ui.   Afnny khaisie ho moafhoaai kithai ee Taioaan
tieseg-hunzuo kafmkag sitbang.
    Taixliok-jinsu lofngtoan-liao cit'ui liaw'au, soarciab-tioh ee si khanchyn-ynzheg ee kuntoax-
koanhe ee zhut'hien. Afnny, Tiongkog-bunhoax-tiofng ee "Kazok-zerngti" ee tegseg khaisie ka Taioaan-Tor "konghok" laq.
    Lexjuu, Taitiofng Toexhngf-
Hoat'vi ee 50-ee cit'oaan-tiofng,
u cidpvoax si vitviuo ee chincviaa. Kohkhaq ho Taioaan-
laang simlai putpeeng ee, si
kang-cid'ee tan'ui, kang-cid'ee thaulo, kang-cid'ee kangzog, Taixliok-laang sor-niar ee sinsuie, ofng'orng si Taioaan-
laang ee nngxpoe.   Yn kiox zef korng, si "Pien'oarn-Toexkhw" ee 'kasyn'.   Citciorng ee zhapiet-thaixgu pie Jidpurn-
laang ee sitai khaq-giamtiong.
    Kohkhaq ho laang kafmkag kikoaix ee, si "goaxhaang
lefngto laixhaang".   Lexjuu,
ti Taixliok mxzay symmih si
kamciax, symmih si soathngg ee Taixliok-laang, laikaux Taioaan ciu tngkhie Thngchviuo ee Zwjim kab Chviwtviuo; ti Taixliok mxbad khvoarkoex hoefchiaf ee laang, laikaux Taioaan ciu zox Thihlo-Kiok ee Khor'oaan, muy'goeh niar sinsuie 600-khof, pie u zabkuy'nii

thihlo-kenggiam ee Taioaan-laang Hux-Zaxmtviuo sor-niar ee 400-khof khaq-zoe. (

"Ciapsiw" Pviecviaa "Kiapsiw"

Tngsii, siang ho Taioaan-laang boextaxng jymsiu ee, si
kvoatviuu-siong ee tham'ux-huohoax. Taioaan-binkafn ka
"ciapsiw" kiorzox "kiapsiw", korng, "Ciapsiw-Uy'oaan" korkox lorng "5-zuo tengkhof"; ti ciaf sor-korng ee 5-'zuo' ciuxsi

kimzuo (cvigiin), pangzuo (zhuotheh), chiazuo (zux'iong chiaf), uixzuo (cit'ui), kab lwzuo (lwjiin).   "Kiapsiw"-au ee tham'ux-huopaix ee hongkhix, ho Taioaan-laang 50-nii-laai thaau'cidpae khvoax⁺tioh.   Afnny, ti
1946-nii 1-goeh-toea kaux 2-goeh ee tefngsuun, iwkoafn tham'ux ee sinbuun ciu u 6-
kvia, pengkwn nngxjit 1-kvia, ho laang khvoax-boexsoaq.
    Ti kengzex-hongbin, ciu lexheeng zoanbin lofngtoan ee thofngzex-kengzex.   Hitsii ee Hengzexng-Tiofngkvoaf Taan Gii khvoartioh Jit-ti-sitai ee zoanboe-zeato u tegzhud ee senghau, sof'ie boo-kortioh pwnsyn ee zerngti-bunhoax kab kvoatviuu ee phvae-
sibkoaxn, itmui iensip, ciofng cviulor, hoefzhaa, ciuo, hwn, kab chirntang ee poxng'ar terng ee budphirn zoanpo labjip zoanboe.
    Tuliao ciah'ee, iao u cviazoe binsefng-budzw, kuiteng ti
Zoanboe-Kiok ygoa ee kikox giamle thofngzex.   Bolun
korng kaux: kauthofng, uxnsu, zarngkefng-tuizeg, longsarn-
phirn, higiap, thiokbok, kngrthiq, tiexnlek, zuynii, kihaai, zoxzuun, kangtheeng, zorzoar, irnsoad, phafngcid, iucy, tiexnkafng-khiezaai, hoarhak-
ioqphirn, zea'iaam, tefngterng,
boo-cidhang boo-siutioh thofngzex.   Phienphiefn ti
kvoaf-siofng kaukied ykip zox kvoaf ia zox siofng ee "angpaw
thongsiin" ee kvoatviuu-

bunhoax-ha, ho cviazoe uikixm ee cirn'zhutkhao-phirn ma thafng zux'iuu cirnzhud, ar kvoasiofng ciu ti hit'ee tiongkafn hegtid poxli.
Citthox pvoatoex-tioh tham'ux-bunhoax ee thofngzex-
zhorsy tuix Taioaan sor-toax⁺laai ee hoxhai sidzai si thaix-
benghiern ee laq. Iukii si byniuu khiarmkhoeq, zoxseeng binsefng ee thorngkhor kab siaxhoe ee put'afn si

zoex-hiefntuu ee laq.   Koq byniuu ee toefkhoad, tuliao si Taioaan tioh ernghux Kog-
Kiong Laixciexn sor-teq kiongzex tengsiw byniuu laai ci'oan Kok'huo-Kwn ygoa, kvoaf-siofng kaukied, twnzeg-
byniuu kab hongthaai-budkex ia si goan'yn ee sofzai.
    Eng Taipag-Chi ee lengsiuu-
bykex laai korng, ti ciern'au ee 1-nii 4-korgoeh tiongkafn, ciu khie 400-poe.   Taioaan ee zaihux siuxtioh u-hexthorng ee liogtoat. Jidpurn-laang sor-
laau⁺loqlaai ee 237-kefng kong'su'eeng ee khiegiap kab 600-goa-ee tan'ui lorng labjip Taioaan-Serng Hengzexng-
Tiofngkvoaf-Kongsuo sor-siok ee 17-kefng kongsy ee kiha.   Ti ciaf, "goaxhaang lefngto laixhaang" ykip "jinboo-
putzoong" ee zengheeng-ha, ho
sengsarn-lek toaxtoa karngke.
Zu afnny, ti ciern'au toe-1-nii ee sengsarn-cysox kefngjieen bokaux ciernzeeng ee cidpvoax,
haixtioh Taioaan-laang khix tamtioh pie ciernzeeng khaq-
"biin-putliaau-sefng" ee
seng'oah.   Sitgiap-jinkhao tidtit zexngkaf, u 600-goa-ban jinkhao ee Taioaan, ciu u kielok, korng, u 40-ban kaux 80-ban ee sitgiap-jinsox.
    Koq ti siaxhoe-siong, toxzhat hvoaiheeng, kunkerng ee kylut paixhoai, cinzoe tuy Taixliok laai ee kunjiin, tuliao thautheh ygoa, soafnai, uihiap, zarky, khiofnghad, thiauhix, chviwkiab,thailaang tefngterng, busor-put'uii, yn khibiin-jiawbiin, k'uy-zok'hog, ciuxsi itphaix ee

thofhuie-zok'hofng.   Zef ho Taioaan-bincioxng thorngsym-
citsiuo.   1946--nii, Taioaan-siaxhoe ykefng toxngthoxng-
put'afn.   Kunjiin khuizhexng zusu, khix kab bincioxng

chiongtut ee suxkvia tviaxtvia to hoatsefng. Zu-afnny, ti Kokbiin-zernghuo ciapkoarn Taioaan ee toe-2-nii, siaxhoe-tix'afn ciu giamtiong ok'hoax, hit'cidnii-tiongkafn hengsu-arnkvia ciu zexngkaf 28-poe.
Zorng^cy, kengkoex-liao 1-nii-pvoax ee jiulin kab liogtoat, Taioaan-siaxhoe torthoex-liao 3'40-nii. Zu-afnny, ti sof'ui ee "Konghok" 1-nii-4-korgoeh-au, ciu hoatsefng-liao 228-suxkvia laq.

原著: 李筱峰教授台文翻譯: 林繼雄教授