51-1　Sioxngtex^aq, ciaux Lie ee zu'aix linbirn goar; 　Ciaux Lie hongseng ee zupy zhatsiaw goar ee koeasid;

51-2　Ciofng goar ee zoexog zoanpo soeftuu, 　Ma soefzhefng goar, kaux boo zoe.

51-3　In'ui goar kaki zay goar ee koeasid;　Goar ee zoe siongsioong ti goar ee bixnzeeng.

51-4　Goar sor hoan⁺tioh ee, ciuxsi tekzoe Lie naxtvia.　Ti Lie ee bagciw-zeeng kviaa cit'ho phvae;

　Tiekaux Lie kofng'oe ee sii, hiefnbeeng zox gi; 　Phvoartoaxn ee sii, hiefnbeeng kongto .

51-5　Goar si ti zoexog-tiofng svy⁺ee, 　Ti zoe ee tiongkafn, goar ee lauxbuo hoai'in goar.

51-6　Lie sor aix⁺ee si simlai sengsit;　Ti goar ee paklai, Lie boeq ho goar tittioh tiehui.

51-7　Kiuu Lie eng giuzhekzhao soea goar, goar ciu zhengkhix; 　Kiuu Lie soea goar, goar ciu pie soeq 　khaq-peh.

51-8　Kiuu Lie ho goar tittioh thviakvix hvoahie khoaelok ee sviaf;　Ho Lie sor atcih ee kud thafng hvoahie.

51-9　Kiuu Lie ngf Lie ee bin, boo khvoax goar ee zoe, 　Zhatsiaw goar itzhex ee zoexog.

51-10　Sioxngtex⁺aq, kiuu Lie ka goar zhorngzo zhengkhix ee sym, 　Ho goar ee laixbin u voaxsyn zerngtit 　ee simsiin.

51-11　Mxthafng kvoar goar, ho goar lixkhuy Lie ee bin,　Mxthafng tuy goar siuhoee Lie sexng ee 　lenghuu.

51-12　Kiuu Lie ho goar iugoaan tittioh Lie kiuo'wn ee khoaelok;　Sviwsux goar u zuxiuu ee simsiin, laai 　huchii goar. 　

51-13　Goar ciu ciofng Lie ee toxlo cysi u koeasid ee laang;　U zoe ee laang ciu boeq kuisun Lie. 　

51-14　Sioxngtex⁺aq, Lie si kiux goar ee Sioxngtex, 　Kiuu Lie kiux goar thoatli thailaang ee zoe; Goar ee cih boeq toaxsviaf gimsy olor Lie ee gi. 　

51-15　Zuo⁺aq, kiuu Lie khuy goar ee zhuietuun;　Goar ee zhuix ciu boeq porioong Lie ee hor-miasviaf.

16　In'ui Lie boo aix zeamih; na aix, goar ciu boeq hiexn;　Siozex Lie ma boo hvoahie.

51-17　Sioxngtex sor aix ee zex, ciuxsi iusiofng ee lenghuun;　Sioxngtex⁺aq, iusiofng thornghoea ee sym, Lie boboeq khvoarkhyn⁺y.

51-18　Kiuu Lie ciaux Lie ee hor-iesux, hor-khoafnthai Sek'afn;　Khyzo Ialoxsatlerng ee sviachviuu.

51-19　Hitsii Lie boeq hvoahie gi ee zex, kab siozex, ykip kuiciaq zengsvy ee siozex.　Hitsii laang boeq ciofng kafng ee guu hiexn ti Lie ee tvoaa.

　　　　　　　　　　　　　　　　　　　　　　　　　　　　　　　　　　　　　　--=♂=回 頁 首 ---

57-1　Sioxngtex⁺aq, kiuu Lie khoflieen goar, khoflieen goar;　Goar ee sym boeq tauhioq ti Lie;　Goar boeq tauhioh ti Lie sidkor ee tie'irm'e,　Thernghau ciah'ee zai'e kengkoex.

57-2　Goar boeq kiukiox Ciekoaan ee Sioxngtex;　Ciuxsi ka goar sengzoaan taghang su ee Sioxngtex.

57-3　Tngf hit'ee boeq thunciah goar ee laang huypoxng goar ee sii,　Sioxngtex boeq si'wn, tuy thvy kiux goar;　Ma boeq hoatzhud Y ee zu'aix, kab Y ee sengsit.

57-4　Goar ee sviemia ti say ee tiongkafn;　Goar tor ti chinchviu hoea toh ee seakafn-laang ee tiongkafn; Yn ee zhuiekhie si chviw, si cvix,　Yn ee cih si laixtof.

57-5　Sioxngtex⁺aq, goan Lie koantoa pvoakoex ciah'ee thvy,　Goan Lie ee engkngf pvoakoex zoantoe.

57-6　Yn ka goar ee khapo sied lobang,　Apzex goar ee simsiin;　Yn ti goar ee bixnzeeng khuy haxmkhvy.　Kaki hoafntngr poaqloh hit'laixbin.

57-7　Sioxngtex⁺aq, goar ee sym zuxzai, goar ee sym zuxzai;　57-Goar boeq gimsy, goar boeq chviuokoaf 　olor.

57-8　Goar ee lenghuun⁺aq, lie tioh zengsiin⁺khylaai;　Khiim⁺aq, seg⁺aq, lirn tioh zengsiin⁺khylaai;　Goar 　pwnsyn boeq cinzar zengsiin⁺khylaai.

57-9　Zuo⁺aq, Goar boeq ti ban-pehsvix ee tiongkafn kafmsia Lie;　Ti liedpafng ee tiongkafn chviuokoaf 　olor Lie.

57-10　In'ui Lie ee zu'aix toa kaux tuo thvy, 　Lie ee sengsit kaux kiongzhofng.

57-11　Sioxngtex⁺aq, goan Lie koantoa pvoakoex ciah'ee thvy;　Goan Lie ee engkngf pvoakoex zoantoe.

　　　　　　　　　　　　　　　　　　　　　　　　　　　　　　　　　　　　　　　--=♂=回 頁 首 ---

65-1　Sioxngtex⁺aq, ti Sek'afn u laang olor teq thernghau Lie;　Ma boeq tuix Lie sia sor he ee goan.

65-2　Thviaf laang kitor ee Zuo⁺aq, 　Kvix u hietkhix⁺ee lorng boeq ciapkun Lie.

65-3　Zoexog khaq-viaa goar;　Luxnkaux goarn ee koeasid, Lie lorng boeq siarbiern.

65-4　Lie sor kefngsoarn, ho y chinkun Lie,　Tiaxm ti Lie ee vixlai⁺ee, chit'ho laang u hokkhix.　Goarn 　boeq in'ui Lie ee zhux,　Lie ee serngtien ee hokkhix,　Laai sym-moar ix-ciog.

65-5　Kiux goarn ee Sioxmgtex⁺aq,　Lie boeq eng uigiaam kab kongi laai erng'urn goarn;　Lie si toexkek kab haybin hngxhng ee laang. 　Lofngzorng sor oafkhox⁺ee.

65-6　Y ykefng eng toa-koanleeng ha'iof;　Ciu eng Y ee khuielat anteng ciah'ee svoaf.

65-7　Ciah'ee hae hoaxhoa-hao, kab kitiofng hay'erng hoaxhoa-hao.　Ykip ban-pehsvix ee soanhoaf,　Y 　ho yn pengzeng.

65-8　Khiaxkhie toexkek ee laang in'ui Lie ee sinjiaq laai kviahviaa;　Jit⁺zhud-jit⁺loh ee sofzai,　Lie ho yn 　lorng hvoahie.

65-9　Lie koarnkox thoftoe, loh ho koarn'ag y, ho y cinpuii;　Sioxngtex ee hoo, y ee zuie moafmoar;　Lie 　afnny pixpan thoftoe, ciuxsi thoex laang pixpan gvofkog.

65-10　Lie koarn'ag zhanhngg, moar y ee zuykaw, siw-pvii y ee zhanleeng;　Loqho ee hoxzuie, ho thoftoe 　nngfnngr;　Kitiofng sor hoatsefng⁺ee tittioh Lie suohog.

65-11　Lie eng Lie ee untiern zox nitafng ee biefnliuu,　Lie ee loxkexng lorng u iuu teq tiq.

65-12　Tiq ti khorng'iar ee zhawpof;　Svoathaau eng hvoahie zox toax laai haa.

13　Zhawpof eng viukuun zox svaf laai zheng;　Svoakog eng gvofkog zox moaf laai khaxm;　Yn lorng hvoahie zhutsviaf, laai gimsy.

　　　　　　　　　　　　　　　　　　　　　　　　　　　　　　　--=♂=回 頁 首 --- .
 

65-2　Thafng ho seakaix zay L:ie ee toxlo,　Baxnkog-tiofng zay Lie ee kiuo'wn.

65-3　Sioxngtex⁺aq, goan liedpafng olor Lie;　Goan liedpafng lorng olor Lie.

65-4　Goan baxnkog khoaelok, zhud hvoahie ee sviaf;　In'ui Lie boeq ciaux kongto symphvoax liedpafng;　Tixlie toexcviu ee baxnkog.

65-5　Sioxngtex⁺aq, goan liedpafng olor Lie;　Goan liedpafng lorng olor Lie.

665-　Toe ykefng zhud thofsarn,　Sioxngtex, ciuxsi goarn ee Sioxngtex, boeq suohog goarn.

65-7　Sioxngtex boeq suohog goarn,　Toe ee siekek lorng boeq kerng'uix Y. 　　　　　　　

　　　　　　　　　　　　　　　　　　　　　　　　　　　　　　　　　　　　　　　　--=♂=回 頁 首 ---